بعد توقف برنامجها أسبوع.. ياسمين عز: هرجع أشوف عملتوا ايه مع الفرعون

تساءل عدد كبير من رواد السوشيال ميديا عن سر غياب الإعلامية ياسمين عز عن برنامجها كلام الناس، المذاع على قناة mbc مصر، خاصة وأنها موضوع اهتمام في الفترة الأخيرة.

تحيا مصر يرصد في ذلك التقرير سبب غياب ياسمين عز عن تقديم برنامج كلام الناس

توقف برنامج كلام الناس أسبوع

وفي تصريح مثير للإعلامية ياسمين عز عبر حسابها الرسمي بموقع تبادل الصور والفيديوهات انستجرام، كشفت عن سر غيابها في الحلقات السابقة والتي كانت من المقرر أن تكون في يومي الخميس والجمعة والسبت، فقالت: "إجازة أسبوع وأما أرجع أشوف عملتوا ايه مع الفرعون".

أخر ظهور لـ ياسمين عز

وكان اخر ظهور لـ ياسمين عز خلال برنامج كلام الناس يوم الأحد الماضي، والتي استضافت خلاله المطرب حاتم فهمي، فقالت: لازم البنات يحذروا من صحباتهم اللي بتعمل صاحبتك وهي أصلا سوسة وميطلعوش أسرار بيتهم برا.. وياسمين عز: عمري ما سمعت عن راجل سوسة.

وتابع: الراجل بيبقى عايز حاجتين بس كلمة حلوة وطبطبه وتقدير أنه بيصرف كل حاجة على بيته عشان يبسطهم.

ودافع عن ياسمين عز، فقال: مش عارف انتوا زعلانين من ياسمين عز ليه؟ دي بتقول كلام زي الفل وبتدعمنا معنويًا، الراجل بيبقى عايز حاجتين بس كلمة حلوة وطبطبه وتقدير أنه بيصرف كل حاجة على بيته عشان يبسطهم.

نصائح ياسمين عز 

وسبق، ووجهت ياسمين عز مجموعة نصائح جديدة بخلاف نصائحها للمتزوجات، قالت فيها: كلنا بنمر بظروف صعبة في كل العالم زود على ده إن احنا في شتا وبرد قارص وانت بتطلب دليفري بتسيب فلوس بسيطة للشخص أو شوية فاكة، أنا برجوا من حضرتكم إن اللي جاي يوصلك طلب البيت دا جايلك مخصوص عشان تتصدق عليه فطلع مما تنفق ليه، انت بتدي ربنا، الصدقة بتقع في ايد ربنا.

وتابعت: جرب كل ما تصدق إنك تعطي عطاء كريم، البسمة والفرحة والخضة اللي هتشوفها على وش الشخص البسيط هتفعل في قلبك مفعول سحري.

وتطرقت ياسمين عز بحديثها لتقديم بعض النصائح حول حراس العقارات، فقالت: حارس العمارة بيسهر على راحتك غير وحدتهم وغربتهم وفي عز البرد، وانت داخل وخارج قوله كلمة حلوة، ومفيهاش حاجة لو المدام عملته شوية اكل سخن يوهنوا عليه البرد ده.

وأضافت: كلنا محتاجين لبعض وياريت كلنا نبقى قلبنا على بعض في الظروف الصعبة دي.