نهال عنبر عن استغاثات الفنانين على السوشيال ميديا: هنعرف منين أنهم تعبانين

علقت الفنانة نهال عنبر على استغاثات بعض الفنانين على السوشيال ميديا، كما تحدثت عن أعمال المنصات والـ 15 حلقة، وتطرقت بالحديث عن مسلسل الكتيبة 101.

تحيا مصر يرصد لكم تصريحات نهال عنبر

وقالت نهال عنبر في تصريحات لموقع تحيا مصر: الفنانين اللي بيطلعوا يستغيثوا على السوشيال ميديا النقابة مش بتسيبنهم، والدكتور أشرف زكي مش بيسيب أي حد.

نهال عنبر: ليه متجيش تلجألي بدل ما تروحي السوشيال ميديا 

وتابعت: احنا هنعرف منين انهم تعبانين  ليه متجيش تلجألي بدل ما تروحي السوشيال ميديا تعالي كلميني وأنا هعمل كل  اللي أنت عايزه.

نهال عنبر: الدراما رجعت بقوتها تاني

كما تحدثت نهال عنبر عن أعمال المنصات والـ 15 حلقة وقالت: في شغل كتير جدًا والدراما بقت تاخد حيز كبير ورجعت بقوتها.

وعن أعمال المنصات الرقمية قالت: أي شغل هيفتح باب رزق لناس  تشتغل وعدد مخرجين  كتير وفنانين يشتغلوا أنا موافقة عليه.

وعن دورها في مسلسل الكتيبة 101، والذي يقوم ببطولته الفنان آسر ياسين وعمرو يوسف قالت نهال عنبر: هعمل دور أم آسر ياسين ورئيسة الأخبار في مسلسل الكتيبة 101.

مسلسل الكتيبة 101

مسلسل الكتيبة 101 من المقرر أن يشارك ضمن مسلسلات رمضان 2023، وتدور أحداث المسلسل هو الكتيبة 101 وهي من الكتائي التي واجهت العديد من الهجمات التكفيرية، وسيرصد العمل بطولات رجال الكتيبة 101 لرد هجمات التكفيريين المتتالية، وكيف نجح أبطال القوات المسلحة في إحباط المؤامرات ضد الدولة المصرية خلال فترة تعتبر هي الأصعب في تاريخ مصر.

مسلسل الكتيبة 101 يضم عدد كبير من نجوم الفن من مصر والوطن العربي ومنهم: نهال عنبر، وفاء عامر، عمرو يوسف، آسر ياسين، فتحي عبدالوهاب، أحمد صلاح حسني  والمسلسل من إخراج محمد سلامة، ومن تأليف إياد صالح ويتكون المسلسل من 30 حلقة.

تصريحات نهال عنبر

وسبق وتحدثت نهال عنبر عن السوشيال ميديا وقالت: أنا دايمًا اقول التدخل في الحياة الخاصة مش بحبه وحياتي الخاصة خط أحمر، وبيتي مقفول عليه وملهوش دعوة بالفن طالما أنا محترمة نفسي  وماشية بما يرضي الله  مفيش حد ليه عندي أي حاجه.