حمادة هلال للسيدات في اليوم العالمي للمرأة: كل سنة وأنتوا النص اللي مكملنا

حرص الفنان المصري حمادة هلال على توجيه رسالة للسيدات، وذلك بمناسبة اليوم العالمي للمرأة والذي يحل اليوم الأربعاء الموافق 8 مارس.

تحيا مصر يرصد رسالة حمادة هلال للسيدات.

حمادة هلال يهنئ السيدات بمناسبة يومهم العالمي

كتب حمادة هلال عبر حساباته الرسمية: يوم المرأة.. كل سنة وكل أم وبنت وزوجة وأخت بخير، كل سنة وأنتوا النص اللي مكملنا ورمز العطاء والدعم.

آخر أعمال حمادة هلال الغنائية

على الصعيد الآخر، طرح الفنان حمادة هلال  أغنيته الجديدة صاحبي عبر صفحته الرسمية بموقع الفيديوهات الشهير يوتيوب.

الأغنية من كلمات محمد إبراهيم وألحان حمادة هلال ومن توزيع هاني ربيع.

كلمات أغنية صاحبي

وتقول كلمات الأغنية:

صاحبي اللي كنت أديه عنيا
وأموت لو كح شوية
هو اللي أول واحد باع
وعادي بقى وداع بوداع
على روحه هشرب شاي نعناع
وأبص لحياتي شوية

كان كل حاجة بالنسبالي
ومقامه وسط الناس عالي
انا لو عاتبته وفهمته
هذله وهقل بقيمته
أرخص ما فيه هو كرامته
عمر الرخيص ما صبح عالي

لا لا لأه لأه متقولش صاحبي لأه
من دولابي ياما نقى كان ناقص أجيبله شقة
لا لا لأه لأه زقيته ياما ألف زقة
على حسي ياما ياما اترقى

صاحبي اللي بيجيب في سيرتنا
وهو متربي في بيتنا
اعاتبه إيه لا خلصانة
دي بيعة أصلاً خسرانه
بكره هييجي ويقول اسف
وهقوله على عيني ياريتنا

امي قالتهالي في مرة
صاحبك على القهوة و برة
مايخش بيتك إلا أمين
صاحب جدع وبيمشي يمين
حرص عشان فيه بني آدمين
تعابين ولدغتهم مرة

صاحبي اللي كنت أديه عنيا
وأموت لو كح شوية
هو اللي أول واحد باع
وعادي بقى وداع بوداع
على روحه هشرب شاي نعناع
وأبص لحياتي شوية