خاص|سيد جبر: بحب استمتع برمضان في العبادة ورامز جلال كان بيعمل مقالب فيا من صغره

تحدث الفنان سيد جبر عن مسلسلات رمضان 2023، وكشف عن علاقته بالفنان رامز جلال، كما كشف عن رأيه في مقالب رامز جلال.

تحيا مصر يرصد لكم تصريحات سيد جبر

وكشف سيد جبر في تصريحات لموقع تحيا مصر، انه ليس من محبي متابعة المسلسلات في رمضان ولكنه يفضل العبادة أكثر، وقال: المنافسة في رمضان كتير وأنا  مش من محبي اني اتفرج على مسلسلات رمضان كتير أوي .

سيد جبر: بحب استمتع بالتقرب من الله في رمضان 

وتابع سيد جبر: أنا بستمتع بمتعة التقرب الى الله والعبادة وممكن اتفرج على حاجه او اتنين وبتفرج على رامز جلال.

وتطرق بالحديث عن الفنان رامز جلال وقال:  رامز جلال صاحبي ويعتبر أنا اللي مربيه على إيدي وأول ما ممثل في حياته كان معايا واخوه ياسر كان دفعتي، وأنا بعشق رامز.

سيد جبر: رامز جلال بيعمل فيا مقالب من وهو صغير

وأضاف:  ومن هو صغير كان بيعمل مقالب فينا ولما كنت بزوره في البيت  كان بيفرقع بوب تحت رجلي وأنا قاعد معاهم في البيت وكانت والدته تعزمنا على قلقاس.

وعن الانتقادات التي يتعرض لها رامز جلال قال: راجل ربنا فتحله باب رزق في المقالب  الناس عايزة تقفله باب الرزق ليه واعلى نسبة مشاهدة بتكون على رامز.

تصريحات سيد جبر

كما تحدث عن استغاثات الفنانين على السوشيال ميديا بدل من اللجوء لنقابة المهن التمثيلية، وقال: المفروض النقابة تعمل لجنة تحصر الناس اللي مش بتشتغل كتير وتحاول بكافة الطرق  تقدملهم يد المساعدة أن هي تشتغل، ودي لجنة المفروض تبقى موجودة في النقابة ويتعرف ايه ظروفهم ويتقدملهم المساعدة لأنه فنان في الأول وفي الآخر.

واستكمل سيد جبر حديثه قائلًا: ودلوقتي بقى في الكاستيج وعرض  وطلب واي حد جاي من الشارع بيكون عايز يمثل بيمثل  واي حد راح عمل ورشة ودفع 15 الف بيروح يشتغل، وشركات الإنتاج بقت تستسهل من خلال الكاستنج أما لو اتعمل كاستنج من  خلال النقابة الناس كتير  هتشتغل واشغل بتوع النقابة وبعدين اشغل 10% من الكاستنج.