رامي جمال يوجه الشكر لجمهور جدة: حضوركم وغناكم شجن للقلب

حرص الفنان رامي جمال على توجيه رسالة شكر إلى جمهوره في جدة بالمملكة العربية السعودية، وذلك بعدما أحيا 3 حفلات وشهدوا حضورًا جماهيريًا كبيرًا.

تحيا مصر يرصد لكم رسالة رامي جمال لجمهور جدة

ونشر رامي مجموعة من الصو ومن حلافته الأخيرة في جدة وذلك عبر سحابه بموقع تبادل الصور والفيديوهات انستجرام، وعلق عليها: جمهور جدة الغالي جدًا على قلبي عملت عندكم ٣ حفلات احلى من بعض وكل مره بحس انكم عيلتي اللي بتكبر.

رامي جمال لجمهور جدة: حضوركم شجن للقلب

وتابع رامي: بحبكم جدًا صوتكم وحضوركم وغناكم شجن للقلب، اخر مره كنا ١٠ الاف والمره اللي قبلها زيها او اكتر بس المره اللي فاتت أنا مبحسبهاش بسبب التعب وعد المرة الجاية تبقي بيهم كلهم شكرا ليكو شكرا لشركه فور ام شكرا  بحبكم جدا جدا جدا.

الأزمة الصحية لـ رامي جمال

وسبق وخرج الفنان رامي جمال ليطمأن جمهوره على حالته الصحية، وقال رامي جمال: صباح الخير لكل الجمهور الجميل، أنا الحمد لله بدأت أحس إني بتحسن، وبطمنكو وإن شاء الله الالتزامات الفنية  الجاية أكون قدها متقلقوش.

وتابع: وشكرا لكل حد دعالي وشكرا لجمهور جدة اللي شافني قبل كدة أربع أو 5 مرات وأنا في قمة فوقاني ..والمرة دي كعادته الكريمة كان هو الجمهور والفنان وكل حاجة شكرا بس هوالتعب مش إختياري وشكرا يا حبايبي جدا، من أكتر التعليقات اللي بقراها وعجباني من الجمهور المصري العسل  بيقولي لا انت لازم تخف انا عندي فوتو داي يوم السبت قدامك النهاردة وتكون خفيت.

رامي جمال يطمأن جمهوره

وأضاف: وناس حجزت لحفلتي أنا وتامر عاشور في زيد بارك الجمعة الجاية ومعلش بقى فرصة لاني ساعتها مكنتش قادر أتكلم .. التأجيل أول مرة مكنش بسببي ومكنش اختياري .. وانا أكتر فنان بيزعلني جدا موضوع تغيير الميعاد دة لأني انا عارف ان كل واحد بيبقى مرتب نفسه على حاجة الأمن كان شايف ان العدد الكبير الموجود المكان الأولاني بتاع الحفلة مكنش مناسب بالنسبة له ودي حاجة ولا انا ولا تامر نقدر نعرفها "

واستكمل:" خلو بالكوا عشان الدور اللي موجود اليومين دول دة مجاش خلال ال3 سنين بتاع الكرونا بالصعوبة دي،ولا  الأدوية  بتنفع ولا حاجة بتنفع وهو تركيزه كله المرة دي على الحنجرة والزور والرئتين والعضم .

واختتم رامي جمال حديثه: دور مرهق جدا جدا جدا ربنا يحفظكم انتو وحبايبكو وخلو بالكو.