إلهام شاهين تشيد بـ أنغام: شرفتي الفن المصري والعربي

عبرت النجمة الكبيرة إلهام شاهين عن فخرها بالمطربة أنغام بعد تألقها في حفل ليلة صوت مصر المقام في الرياض أمس الجمعة الموافق 17 مارس.

تحيا مصر يرصد إشادة إلهام شاهين بالفنانة أنغام.

رسالة إلهام شاهين لأنغام

ووجهت إلهام شاهين رسالة لأنغام قائلة: صديقتى الغالية أنغام شرفتى الفن المصرى والعربى فخورة بيكى جدا أسعدتينا بليلة طرب رائعه فى ليلة صوت مصر .. يا أجمل و أرقى و أرق الفنانات.

وتابعت: تكريم مستحق لفنانه لها تاريخ فنى مشرف .. صوت و أداء و إحساس و كلمات و ألحان .. كله على أعلى مستوى  .. ربنا يحميكى من كل شر  و يخليكى للفن لتسعدى الملايين فى كل أنحاء الوطن العربى.

واختتمت إلهام شاهين حديثها قائلة: بحبك و بحب فنك من كل قلبى  منتهى  التألق فى حفل ليلة صوت مصر بالرياض .. فنانه مشرفه لاسم الفن المصرى مبروووووووووووك أنغام تستحقين هذا التكريم انتى فنانه مشرفه لكل الوطن العربى  انتى مثال لتأثير القوة الناعمه الايجابى“.

آخر أعمال أنغام

وكانت آخر أعمال أنغام أغنية نسينا نعيش وهي من كلمات جمال الخولي، والحان سهم، وتوزيع عمر الصباغ، وميكس وماستر أمير محروس.

كلمات اغنية نسينا نعيش انغام

فضلنا نعيش عشان ننسى
وفالأخر نسينا نعيش
هنلقى في الغياب فرصة
وفالأخر لقينا مافيش
ما سابناش الفراق نرتاح
ولا جاب اللي سابنا وراح
ماحدش فينا زي ما كان
بيتمنى يعيش بيعيش

بنفتكر الكلام بالحرف
بنشتاق في الغياب الضعف
وأدي الدنيا اللي بتنسي
كمان طلعت ما بتنسيش

بنفتكر الكلام بالحرف
بنشتاق في الغياب الضعف
وأدي الدنيا اللي بتنسي
كمان طلعت ما بتنسيش

ما بينا وبين زمان سكة
بنمشيها ومابنمشيش
حياتنا واقفة على خطوة
نخطيها مابنخطيش

ننسى إيه ولا إيه ولا مين
إحنا لعبة في آيدين الحنين
بنتراهن على النسيان
ونتحايل عليه مايجيش