شريف عامر حول مشاركته في رامز نيفر إند: أنا مكنتش ضحية.. فيديو

فجر الإعلامي شريف عامر، مفاجأة بشأن وقوعه ضحية برنامج رامز جلال "رامز نيفر إند"، قائلا: "أنا مكنتش ضحية أنا كنت التجربة".

تحيا مصر

وأضاف الإعلامي شريف عامر، خلال حلقة اليوم من برنامج "يحدث في مصر"، المُذاع عبر فضائية "إم بي سي مصر"،: "أنا كنت التجربة والضحية اللي بيجربوا عليها قبل ما يستضيفوا ضحايا جديدة".

شريف عامر:الضحايا المفروض يدعولي

وتابع: "رامز كان رافض يقول لي أي شيء، محدش رضي يقولي أي حاجة ولا حد غششني حاجة"، معقبا: "فيه حد من الزملاء قالي الأفضل أنك تقلع النضارة يا شريف"، مستكملا:" أنا تعبت جدا  لكن على الأقل أنا عافرت وقولت هعمل زي ما رامز يعمل، وأخدت خبطتين صح".

وواصل: "مكنتش أعرف أن الغسالة دورتين، وخدت خبطتين صح"، معقبا: "اللي أنا معجب بيه جدا في الضحايا أنهم بيقدروا يكملوا بعد المقلب ويتخانقوا مع رامز، لأن رامز وهو بيكلمني مكنتش حاسس بحاجة، كنت عمال أكشف على نفسي واتأكد أن ضهري سليم".

واختتم: "أنا اللي قولت لهم حطوا مخدات على الحيطة، الضحايا المفروض يدعولي".

وفي وقت سابق، قال الإعلامي شريف عامر للفنان رامز جلال بعد ما اتقرصت من التعبان في برنامج رامز نيفر اند فكرت إذا كان سام ولا لأ.

رامز جلال لشريف عامر: أنت عايز تحرقلنا البرنامج

ورد الفنان رامز جلال خلال مداخلة هاتفية مع الإعلامي شريف عامر عبر برنامج "يحدث في مصر" المذاع عبر فضائية "mbc   مصر"، لا أنت كدة عايز تحرقلنا البرنامج بقي.

وأضاف الإعلامي  شريف عامر: " يا عم ما هي ظهرت في برومو البرنامج.

 ورد الفنان رامز جلال أنا بعد القرصة حاسس اني محتاج اتطعم وبحس بأنياب بتطلعلي وأنا نايم.