شيرين عبد الوهاب: أنا مخسرتش السوشيال ميديا بتاعتي.. وفيه مفاجأة في حفلتي بدبي

أكدت الفنانة شيرين عبد الوهاب على أنها لم تخسر حسابتها عبر مواقع التواصل الاجتماعي المختلفة، مشيرة إلى أنها معطلة بسبب عدة مشاكل إدارية.

تحيا مصر يرصد تفاصيل تصريحات شيرين عبد الوهاب

تصريحات شيرين عبد الوهاب في ET بالعربي

وقالت شيرين عبد الوهاب في لقائها ببرنامج ET بالعربي: أنا مخسرتش السوشيال ميديا بتاعتي بس فيه شوية حاجات كدا إدارية بتخلص، وإن شاء الله هترجع السوشيال ميديا بتاعتي، وأي سوشيال ميديا بتاعت أي حد بعتبرها بتاعتي.

وعن وقوف عدد من الفنانين بجانبها في أزمتها الأخيرة، قالت: الفنانين كانوا زيهم زي الجمهور خايفين عليا وعايزيني أرجع لنشاطاتي تاني، فدا حب وربنا كرمني، واسمي طالما اتحط في دعايا يبقى جاية، مفيش حاجة اسمها دعايا ليا في أي مكان وأنا مش جاية.

شيرين عبد الوهاب ترد على المشككين في تواجدها بدبي

وفي اللقاء ذاته، حرصت شيرين عبد الوهاب الرد على كل من شكك في تواجدها بدبي لإحياء الحفل، وقالت: وكنت حريصة أني أعمل مقابلة عشان الناس تعرف أني وصلت دبي عشان فيه شوية مشككين في السوشيال ميديا بس احنا حطناهم مكانهم دلوقتي.

وتابعت: ربنا ما يحرم أي إنسان من ضحكته، وأنا بحب المسئولية أوي، وبحب استقبال الجمهور، ومقابلة الجمهور، فأنا سعيدة عشان كدا، وأنا منساش أن أول حفلة أعملها في حياتي خارج جمهورية مصر العربية كانت في دبي، فدبي وشها حلة عليا، وعملنا بروفات في مصر كتير وفيه غنوتين جداد هقدمهم على المسرح.

واختتمت: وعندي شوية مشاكل إدارية بتخلص مع روتانا.. الأغاني موجودة بس أول ما المشاكل الإدارية دي ما تخلص هيتم طرحها، وخلاص أنا بقيت موجودة، وبناتي هيكونوا معايا على المسرح إن شاء الله.

مدير أعمال شيرين عبد الوهاب يكشف تفاصيل صادمة

وسبق وأن أصدر إيهاب صالح بيان جديد عن الفنانة شيرين عبد الوهاب للرد على جدل اختفائها عن ساحة السوشيال ميديا في الفترة الأخيرة، مشيرا إلى أن جميع حسابتها على السوشيال ميديا لم تعد تتحكم بها.

وكتب مدير أعمال شيرين عبد الوهاب عبر حسابه الرسمي بموقع التدوينات القصيرة “تويتر: ”جمهور شيرين العظيم ناس كتير جدا بتسألني و بتبعت علي الخاص بخصوص حسابات شيرين علي السوشيال ميديا. كل صفحات شيرين مش معاها ولا معايا من أول السنة. في خلال اليومين الجايين سيتم إصدار بيان لتوضيح الاسباب ورا ده، لو كان في أيدي كنت نزلت كل حاجة علي صفحتها، شكرا لدعمكم الدائم".