29 مليون و215 ألف جنية.. تراجع فيلم هارلي بطولة محمد رمضان للمركز الثاني

تراجع فيلم هارلي بطولة النجم محمد رمضان، أمس السبت الموافق 29 أبريل إلى المركز الثاني حيث حقق إيرادات  547 ألف جنيه، ليبلغ إجمالي 29 مليونا و215 ألف جنية.

تحيا مصر يرصد تراجع فيلم هارلي للمركز الثاني. 

أبطال فيلم هارلي

فيلم هارلى بطولة النجم محمد رمضان والنجمة مي عمر، ومحمود حميدة، وأحمد داش، وحسنى شتا، ومي كساب، نشوى بلال، وإسماعيل فرغلى، باسل الزارو، حازم إيهاب، والعمل من تأليف محمد سامى ومحمد سمير مبروك، وإخراج محمد سمير.

قصة فيلم هارلي

وتدور أحداث الفيلم حول "هارلي" مهندس الميكانيكا الذي يعود من الخليج مع عائلته لاستكمال دراسته بمصر، ويقوده ذكاؤه وسرعته إلى العمل مع إحدى العصابات، ويصبح العنصر الأبرز والأقرب إلى زعيم العصابة.

تحدث النجم محمد رمضان عن بدايته مع الغناء، قائلاً: "بشوف إن الأسرع في الانتشار في الوصول للعالم، المزيكا والغناء مش التمثيل، وأغنياتى أنا شايفها مخلوق جديد مالهوش مسمى، لأنه لا مهرجان ولا راب ولا تراب ويمكن بعد 50 سنة يكون نوع الأغانى ده باسمى ويبقى اسمه رمضان، وهو نوع مش موجود ولا يتم تقديمه، ومفيش حاجة تشبهه".

تصريحات محمد رمضان 

وتابع محمد رمضان: "في البداية لما عملت إعلان كان فيه أغنية، الأغنية تخطت حدود الإعلان وبقت تشتغل في الأفراح والشواطئ، وأبقى شخص مش ذكى لو شفت حاجة عجبت الجمهور وما أكملش تقديمها وأطورها، فعملت أغنية نمبر وان وكانت ريسك لأنى لو ما نجحتش يبقى هخسر الممثل والمغنى، من البداية قررت أختار نوع مزيكا يتلائم مع طبقة صوتي وكلام يناسبني، ولقيت أقرب نوع كان برازيلى وسمعته لعادل حقي وقال لي تحفة مع صوتك، واختارت أغني للذات والنفس وبعد كده قدمت أغانى مختلفة".

وتحدث محمد رمضان عن علاقته بالفنان الراحل عمر الشريف قائلاً: "أنا مثلت مع عمر الشريف في 2007 قبل ما يعمل فيلم حسن مرقص بسنتين، وهو راجل عظيم وكان أبويا الروحي، وفى المرحلة دى كان بمثابة طوق نجاة اتحدف ليا وأنا بغرق في بحر اليأس، ومكنتش بشتغل ومفيش دلالة بتقول إنى ممكن أكمل وأنجح، وطلع النجم العالمي يقول أنا اخترته يكمل مسيرتي، وكلامه إداني قوة وحسسني إنى ماشى صح".

وأضاف: "مش هنسى إيناس بكر مديرة أعمال عمر الشريف لما قالت لي أنت متأكد من إنك عاوز تكمل عمرك باسم محمد رمضان وقلت لها اه، وعمر الشريف رد عليها وقتها وقال لها ده أحلى اسم لأن اسم محمد أكتر اسم موجود في مصر واسم رمضان هو اسم أحلى شهر مش هتحسي بيه إلا في مصر".

وأكد محمد رمضان أنه لا يطمح لأن يكون فنان عالمي، مردفًا: "مش في طموحي أني أكون عالمي لحد دلوقتي لأن الممثل فرد بيمثل فئة أنا ممثل مصري وأنا بمثل جميع الفئات المصرية ولو عشت 100 سنة مش هعمل واحد في المية من الشخصيات اللي ينفع أعملها من بلدي فعمر ما كان طموحي أمثل بره أو أمثل شخصيات مش عايشة جوه محيطنا العربي والمصري".