جمهور شيرين عبد الوهاب في السعودية يفاجئها بالورود في غرفتها| صور

حرص إيهاب صالح، مدير أعمال الفنانة شيرين عبد الوهاب، على مشاركة مقطع فيديو لها وهي تتوجه بالشكر إلى جمهورها بالمملكة العربية السعودية بسبب الورود التي اهدوها لها.

تحيا مصر يرصد تفاصيل منشور إيهاب صالح عبر تويتر

ونشر إيهاب صالح مقطع الفيديو عبر حسابه الشخصي على موقع التواصل الاجتماعي تويتر، وعلق عليه قائلًا: ربنا يجعلكم السند الأكبر دايما ليها ويخليكم ليها طول العمر، جمهور ‎شيرين مرعب وضخم في العالم كله ما شاء الله، شكرا بجد لجمهور السعودية على كل الحب والدعم ده.

رسالة شيرين عبد الوهاب لجمهورها

وظهرت شيرين عبد الوهاب في مقطع الفيديو وهي تتوجه بالشكر لجمهورها في السعودية، قائلة: شكرا للفانز كلهم على كل الحاجات الحلوة، والورود الجميلة، ربنا يجعل أيامنا كلها ورود، وشكرا ليكم جدا وكل حاجة بتعملوها عشاني بتوصلني، شكرا.

سقوط شيرين عبد الوهاب على المسرح

وكانت شيرين عبد الوهاب قد تعرضت لموقف محرج خلال حفلها الغنائي في دبي، الذي أقامته في يوم الجمعة المنقضي أدى إلى تورم قدمها ونقلها للمستشفى لاجراء الفحوصات اللازمة عليها، لكنها رغم ذلك استكملت حفلها بشكل عادي، ووجهت رسالة صارمة لمنظمي الحفل أمام الجمهور فقالت: "هرفع قضية عشان اللي بيحصل مع الفنان ده حرام وقلة ذوق.. بعدين أنا ليا تصرف تاني.

وتابعت: شيرين رجعت تاني، هطلب تعويض كبير، يلا خلينا نأمن مستقبل العيال، وعادي ما يقع إلا الشاطر، بجد حاجة صعبة.. ودلوقتي بكرة على السوشيال ميديا هيسيبوا كل حاجة وشوفوا شيرين وقعت، أنا المفروض دلوقتي لو أنا مأمنة على رجلي أخد منكوا قد إيه من المنظمين، بس يلا معلش، شوفوا اللي بيحصلنا”.

تصريحات شيرين عبد الوهاب في ET بالعربي

وسبق وأن أكدت الفنانة شيرين عبد الوهاب على أنها لم تخسر حسابتها عبر مواقع التواصل الاجتماعي المختلفة، مشيرة إلى أنها معطلة بسبب عدة مشاكل إدارية.

وقالت شيرين عبد الوهاب في لقائها ببرنامج ET بالعربي: أنا مخسرتش السوشيال ميديا بتاعتي بس فيه شوية حاجات كدا إدارية بتخلص، وإن شاء الله هترجع السوشيال ميديا بتاعتي، وأي سوشيال ميديا بتاعت أي حد بعتبرها بتاعتي.

وعن وقوف عدد من الفنانين بجانبها في أزمتها الأخيرة، قالت: الفنانين كانوا زيهم زي الجمهور خايفين عليا وعايزيني أرجع لنشاطاتي تاني، فدا حب وربنا كرمني، واسمي طالما اتحط في دعايا يبقى جاية، مفيش حاجة اسمها دعايا ليا في أي مكان وأنا مش جاية.