محمد فؤاد يسافر ألمانيا ليخضع للعلاج بسبب مقلب رامز جلال

فجر الفنان محمد فؤاد مفاجآت حول حالته الصحية، بعد وقوعه ضحية الفنان رامز جلال في برنامج المقالب رامز نيفر إند.

تحيا مصر يرصد خضوع محمد فؤاد للعلاج بسبب مقلب رامز جلال. 

لقاء محمد فؤاد مع et بالعربي

وقال محمد فؤاد خلال لقائه مع برنامج et بالعربي: كله افتكر إن حصلي أذى، ولكن ده كان مؤشر رائع أعرف إن فيه كمية الناس دي بتحبني، والناس أبدوا انزعاجهم من المقلب خوفًا على محمد فؤاد ويارب أكون استاهل ربع اهتمامهم ده.

وتابع: المقلب مأثرش على عملية التكميم ومفيش قضية ولا حاجة قضية إيه بس!.

وأضاف: قبل المقلب كان ضهري واجعني، والغسالة اتخبطت في ضهري بقت مخلياني من بعد البرنامج بسافر ألمانيا باخد فيها حقنة، وبعد بكره هسافر ألمانيا للمرة الرابعة.

تصريحات محمد فؤاد في العرافة

وكان قال محمد فؤاد خلال استضافته في برنامج العرافة والتي تقدمه الإعلامية بسمة وهبة: انا عارف اني رايح لرامز وده مجنون وممكن يتسبب في مصيبة.

واضاف: أنا روحت لرامز وهروحله تاني ومش هقبل الهجوم عليه لأن سكاكين الدنيا جت عليه والسوشيال ميديا سم قاتل وكله بيفتي.

واستكمل: كانوا عارفين اني عامله عملية لكن عدت على خير ومفيش اي حاجة حصلت ويطمن الناس وكان اوفر جدا على السوشيال ميديا.

مقلب رامز جلال في محمد فؤاد 

وردت بسمة وهبة على حديثه وقالت: كل فنان بيروح لرامز يبقى مسئول عن اللي هيحصله هو مش عارف هو هيحصله ايه بس عارف أن هيحصله مصايب.

واستكمل محمد فؤاد: أنا كنت رايح مرعوب وجبت الشركة اللي عامله المقلب وعرفت أنه مطعم طائر بس قولت قدامنا لسه نص ساعه واضرب رامز واعمله فخ.

وتابع محمد فؤاد حديثه عن برنامج رامز : مفيش حد مش بيقبض وهي مش سرقة وأنا روحت إكرامًا لرامز عشان أنا بحبه.

واستكمل محمد فؤاد: قولت لرامز جلال أعمل مقلب من غير ما تهين حد وقولتله الناس بتزعل منك وأنا كمان هزعل منك