بعد أزمتهم..هاني محروس لـ خالد الفايد: بشكرك إنك خلتني أحس إن كل الناس بتحبني

وجه المنتج هاني محروس رسالة لـ المطرب المعتزل خالد الفايد نجم ذا فويس كيدز بعد الأزمة التي حدثت بينهم، مشيرا إلى أنه أدرك حب الناس خلال تلك الأزمة.

تحيا مصر يرصد في ذلك التقرير تصريحات المنتج هاني محروس بعد انتهاء أزمته مع خالد الفايد

هاني محروس: بشكر كل الناس اللي بتحبني وعارفين اني معملش كدة

وقال هاني محروس في فيديو نشره عبر حسابه الرسمي بموقع تبادل الصور والفيديوهات انستجرام: “بشكر كل الناس ومراتي وأخواتي وبشكرك يا خالد لأنك خلتني أحس إن كل الناس بتحبني وعارفين مين هاني محروس وإني معملش الكلام دا”.

هاني محروس: مغلطش في حد وعمري ما أعمل الكلام ده

وتابع حديثه لـ خالد الفايد: أنت حاولت تبين حاجة محصلتش وبشكر ربنا إني على حق ومغلطش في حد وأحلى حاجة في الدنيا إني أنام وأصحى ألاقي كل الناس كاتبين ليا كلام حلو وأعرف أن لسه فيه خير في الناس، ودا فضل وعدل من ربنا والإحساس اللي أنا فيه دا نعمة وربنا سخر ليا ناس ترد، والحمد لله أنا مردتش ومش هرد لأني واثق في الله وفي نفسي وعمري ما أعمل الكلام دا ومتشكر ألف مرة لكل من دافع عني.

انتهاء الأزمة بين خالد الفايد وهاني محروس

وكان قد أعلن الفايد انتهاء الأزمة بينه وبين هاني محروس، فكتب: الموضوع بيني وبين أستاذ هاني محروس اتحل وإن شاء الله مفيش أي حاجة وشكرًا جدَا لأستاذ هاني أنه تفهم الوضع وقال مفيش حاجة خلاص ومش هعمل أي حاجة وربنا يقدم الخير، وإن شاء الله أكون في مصر خلال أيام، وشكرًا بجد أن صوتي وصل ولقينا حل مع أستاذ هاني محروس وشكرًا للأستاذ سيد حجاج على تدخله وحصل خير يا شباب، وأنا خلاص همسح البوستات اللي فاتت، وادعولي ربنا يثبتني على طريق الحق وإن شاء الله ف مصر لما أنزل بيتي مفتوح لأي حد من أهلي وحبايبي اللي وقفوا جمبي ودعموني، وإن شاء الله أسجل القرآن الكريم كامل بصوتي قريبا وانزله عندي، الحمد لله رب العالمين والله بحبكم في الله ويشهد الله على ما في قلبي من محبة ليكم.