نبيلة عبيد عن إشادة نجلاء فتحى بأعمالها: مفيش أحلى من كده

علقت الفنانة الكبيرة نبيلة عبيد على إشادة الفنانة نجلاء فتحي بفيلمها الذي يحمل اسم «الراقصة والسياسي».

تحيا مصر يرصد رد نبيلة عبيد على إشادة نجلاء فتحي بها.

رد نبيلة عبيد على نجلاء فتحى 

وكتبت نبيله عبيد عبر حسابها الرسمي بموقع تبادل الصور والفيديوهات القصيرة إنستجرام :" مافيش أحلي من كدا أما الاقي الرسالة دي جيالي من النجمة الجميلة والصديقة العزيزة نجلاء فتحي يبقي يومي قد ايه سعيد ، شكرا يا أحلي زهرة في حياتنا .. مساكم ورد وزهور.

بشرى تعلق على تصريحات نبيلة عبيد 

على الصعيد الآخر، علقت الفنانة بشرى على تصريحات الفنانة نبيلة عبيد، خلال ندوتها بمهرجان أسوان السينمائي الدولي لأفلام المرأة، بشأن دور المنتجين في مشوارها الفني.

وقالت بشرى، خلال الندوة: أنا دمعت من حزني على حالنا، شوفت جمال ورقي نبيلة عبيد وهي بتحكي عن جمال المشوار، وإن إزاي في ناس عندهم وعي ومثقفين، مش في ناس بيحاولوا يهدوا الفنان ويضربوه في ضهره زي ما بنشوف.

تصريحات نبيلة عبيد 

وأضافت بشري المنتج زمان كان إنتاجه من جيبه، دلوقتي إحنا عبيد للمنصات، هنخيط العمل ونظبطه على مقاس اللي هيشتريه، زمان نبيلة عبيد اتعاملت مع مخرج أو منتج عايز ينتج لـ نبيلة، دلوقتي بقا مولد وصاحبه غايب.

وكانت قالت نبيلة عبيد: سعيدة بالخطوات اللي أنا عملتها، كنت دايمًا بسمع للي قدامي هيقول إيه، وعمري ما كنت باخد القرار مني لنفسي أنا بتعلم، واشتغلت مع حلمي رفلة واتعاقدنا واتفقنا على فيلم وسقطت في بحر العسل، وإحسان عبد القدوس كلمني قالي اقرأي فيلم ولا يزال التحقيق مستمرًا، قُلت له أنا حابه اشتري الرواية دي.

وأضافت نبيلة عبيد: ومن هنا ابتديت بقى رحلتي مع إحسان عبد القدوس، هو اللي كان يرشحني لروايات كتير، وكنت بسمع الكلام عشان أتعلم وقرأت أيام في الحلال، والراقصة والسياسي.. والحمد لله كلها أعمال حققت نجاحًا كبيرًا.