خنقها بـ سلك شاحن.. شقيق قاتل زوجته: نزل يدفن أخونا اتأذى تحت

قرر قاضي المعارضات في أسيوط، تجديد حبس عاطل قتل زوجته في العقد الثالث من عمرها خنقا بسلك شاحن الهاتف بمنطقة نزلة عبد اللاه بمحافظة أسيوط، 15 يوما على ذمة التحقيقات التي تجري معه.

رائحة الكفن.. جار محمد عادل يكشف تفاصيل مثيرة: أمه قالت سيبوني معاه شوية | فيديو

مفاجأة عن الكفن.. والدة وشقيقة عروس طنطا: مابيعرفش وخاف من الفضيحة|فيديو

عاطل يقتل زوجته خنقا بـ سلك الشاحن

وقال وائل فتحي محمد شقيق المتهم، أنا قاعد في نفس البيت اللي في أخويا ومراته وساكن في الدور اللي تحتهم على طول، واللي حصل أن أخويا عبدالعاطي أتجوز بنت عمنا سناء، وعندهم 4 أولاد وساعات بيكون بينهم مشاكل وخلافات زي أي بيت وبتحصل زيهم زي أي أتنين متجوزين.

وأضاف شقيق المتهم بقتل زوجته في أسيوط في التحقيقات «من فترة أخويا الكبير مات، وعبدالعاطي ساعتها كان متأثر جدا عشان هو اللي مربيه، وأحنا رايحين المدافن عبدالعاطي نزل المدفن مع الشيخ بطريقة غلط تقريبا وده كلام اللحاد لينا، وغالبا هو داس برجله على حاجة جوه المدفن فوقتها اللحاد اللي مسئول عن المدافن قال قدامي الواد دا وهو يقصد أخويا هيتأذي بسبب نزوله المدفن غلط».

شقيق المتهم: حصله حاجة في المقابر

وتابع شقيق المتهم بقتل زوجته في أسيوط في التحقيقات «بعدها بحوالي أسبوعين بقا عبدالعاطي يقول قدامي أن هو بيسمع أصوات غريبة في دماغه وميعرفش أي هيا، وأحنا لما لقينا كدا وديناه لشيخ هنا في أسيوط قالنا أنه نزل مقبرة غلط واتأذى جواها، لكن مروحناش لأي دكاترة نفسيين بس كنا حاجزين عند دكتور وملحقناش نروح وإمبارح كنت في الشغل وجالي تليفون أن أخويا بيتخانق مع الجيران، روحت عشان أشوف اللي بيحصل وعرفت أنه قتل مراته سناء في أوضة النوم خنقا، ومعرفتش السبب».

وأكمل شقيق المتهم خلال التحقيقات «أنا كنت في الشغل وجالي التليفون عرفت بالجريمة، ومكنش في حد في البيت غير العيال الصغيرة، ومكنش في خناقة قبلها لأنه قبلها بيوم أخد مراته ووداها عند حماته تغير جو، وقبل الحادثة بإسبوع كان بيقول أن الجيران بتشتمه، وده طبعا محصلش لأن الجيران محترمين وعلاقتنا كويسة جدا معاهم، وبعدين أخويا متجوز مراته عن حب».

القبض على قاتل زوجته في أسيوط

وكانت الأجهزة الأمنية بمديرية أمن أسيوط تلقت إخطارا من شرطة النجدة تضمن قيام شخص يدعى ع ف 35 عاما بقتل زوجته خنقا داخل المنزل، وبالإنتقال والفحص تم ضبط الزوج المتهم وبمواجهته إعترف بارتكابه الواقعة تفصيليا.