أحمد سعد: سمية الخشاب تقول اللي هي عايزاه عشان دي من جمهوري وبشكر الناس اللي بتهاجمني

تحدث المطرب أحمد سعد عن الانتقادات التي طالته في الفترة الأخيرة بالقميص الشفاف، الذي ارتداه خلال حفله الغنائي الأخير في جدة، مشيرا إلى أنه يعتبر انتقادات وهجوم الجمهور حب وليس كره.

تحيا مصر يرصد في ذلك التقرير تصريحات أحمد سعد خلال حفل توزيع جوائز ميدل إيست ميوزك أورد MEMA

أحمد سعد: بشكر الناس اللي هاجمتني لأنهم شايفني فرد منهم

وقال أحمد سعد على هامش حفل توزيع جوائز ميدل إيست ميوزك أورد MEMA: بشكر كل الناس اللي هاجمتني، لأنهم شايفين إني فرد من أسرتهم وواحد منهم ومارضيوش عليا كده إني ألبس حاجة وحشة، حسيت إني جوا كل بيت وجوا كل أسرة، مش هظهر كده تاني، ولو في حاجة شبك هخيطها أنا على إيدي، الناس شايفني في حتة تانية وجوا بيوتهم وأسرتهم، ياما ناس لبست كده ولبست حاجات تانية، ولكن أنا فعلًا مش الناس اللي بتصر على الحاجات الغلط، وبطلع أقول أنا غلط طالما معجبهمش.

أحمد سعد: سمية الخشاب تقول اللي هي عايزاه

وعن سخرية سمية الخشاب منه، قال: سمية الخشاب تقول اللي هي عايزاه، وكل واحد يقول اللي هو عايزه وهما كلهم جمهوري وكلهم ناس عايزين مصلحتي، وإنها ترقص على أغنيتي أكيد هي بتحب تشجعني دايمًا وأكيد بتحبلي الخير وإني أكون ناجح، وأكيد الناس مش عايزة تصطاد ليا الأخطاء، كلهم عايزنّي أبقى أحسن وبقيت بالفعل.

وتطرق بحديثه عن سر نجاحه، فقال: طبعًا مراتي هي السر الأكبر والأعظم في نجاحي وربنا يخليها ليا ويخلي ليا بنتي علشان بنتي مهمة جدًا.

أحمد سعد يطرح أغنية اختياراتي

وكان أحمد سعد قد طرح مؤخرًا أغنية “اختياراتي”، والتي هي الأغنية الدعائية لـ فيلم “مستر إكس”، والتي أتت من كلمات منه عدلي القيعي ومن تأليف احمد عبد الوهاب، وإخراج احمد عبد الوهاب.

يذكر، أن فيلم مستر إكس تدور قصته حول قصة حب بين رئيس إحدى العصابات، وبين محامية تضعها الظروف في طريقه، فيحاول جاهدا إبعادها عن كل المخاطر، ومن المقرر عرضه في منافسة أفلام عيد الأضحى 2023.