هنا الزاهد عن مستر إكس: الناس هتتفاجئ بضيوف شرف جوا الفيلم.. واختياراتي مش مدمرة حياتي

كشفت الفنانة هنا الزاهد عن تفاصيل تجربتها في فيلم مستر إكس،وذلك على هامش العرض الخاص للفيلم الذي يعرض حاليًا في السينمات ضمن أفلام موسم عيد الأضحى.

تحيا مصر يرصد تفاصيل تصريحات هنا الزاهد عن تجربتها في مستر إكس

وقالت هنا الزاهد خلال لقاءها بموقع تحيا مصر على هامش العرض الخاص لمستر اكس: هي تجربة مختلفة جدًا.. ودا أول تعاون ليا مع أحمد في السينما، ويارب يعجب الناس، وفيه ضيوف شرف كتير أوي، والناس هتتفاجئ بناس تانية كتير جوا الفيلم، فيه اتنين ما بانوش، والحمد لله اختياراتي كويسة مش مدمرة حياتي، والأغنية حلوة أوي، وكلهم فكروا فيها مش حد معين، وعايزة أقول لأحمد سعد مبروك.

تفاصيل فيلم مستر إكس

ومن الجدير بالذكر أن فيلم مستر إكس تدور أحداثه حول إكس الذي تتسبب عقدة نفسية قديمة لديه في إنشاء منظمة سرية، يسعى من خلالها بدفع الرجال لطلاق زوجاتهم، ولكن تنشأ قصة حب بينه وبين محامية تضعها الظروف في طريقه، فيحاول جاهدا إبعادها عن كل المخاطر.

ويشارك في بطولة الفيلم عدد كبير من النجوم والنجمات، منهم: أحمد فهمي، هنا الزاهد، محمد أسامة الشهير بـ أوس أوس، بيومي فؤاد، صبري فواز، محمد أنور، عمرو يوسف، مصطفى خاطر، ومن من تأليف أحمد عبد الوهاب وأمجد الشرقاوي، وتحت قيادة المخرج أحمد عبد الوهاب.

أبرز إجابات هنا الزاهد على الجمهور

وفي وقت سابق، تركت الفنانة هنا الزاهد فرصة للجمهور للرد على أسألتهم المختلفة خلال حسابها الرسمي بموقع تبادل الصور والفيديوهات انستجرام، ومن أبرز تصريحاتها مع الجمهور:

• شخصيتي زي مأنا متغيرتش من أيام المدرسة وبحاول على قد مقدر أخد بالي من ده.
• أكتر صفة بكرهها الكدب.
• بحب إني بسامح كتير ومش بفتكر الأذية دايما أفتكر الحاجة الحلوى اللي الانسان عملهالي.
• كان عندنا فكرة ناخد حدوتة من حلوة الدنيا سكر ونعملها مسلسل كامل.
• أنا انسانة بيتوتية لو معنديش شغل أحب أقعد في البيت ومع العيلة أكتر من الخروج.
• علي ربيع من أقرب الأشخاص لقلبي وأطيب واحد في الدنيا.
• مؤمنة جدا إن ديما ربنل بيعملك الخير والأحسن وشايلك حاجة حلوة انت مش عارفها وإن على قد مجهودك على قد ما ربنا هيراضيك.