رامي صبري يحيي حفلًا غنائيًا بالساحل الشمالي في هذا الموعد| تفاصيل

يستعد المطرب رامي صبري لإحياء حفل غنائي جديد له بمنطقة الساحل الشمالي، وفقًا لما أعلنه عبر حسابه الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات رامي صبري عبر إنستجرام

ومن المقرر إقامة الحفل يوم الجمعة الموافق 14 من شهر يوليو الجاري، وقد أعرب عدد كبير من النجوم والمتابعين عن حماسهم للحفل.

أغنية ملك الفرفشة

وسبق وأن طرح المطرب رامي صبري أغنية جديدة له بعنوان ملك الفرفشة، عبر قناته الرسمية على موقع الفيديوهات العالمي يوتيوب، وقد حققت الأغنية أكثر من 3 آلاف مشاهدة في نصف ساعة فقط.

وجاءت أغنية ملك الفرفشة من كلمات تامر حسين، ألحان رامي صبري، وتوزيع ومكس وماستر شندي وخليل، وتقول كلماتها: ياملكِ الفرفشه والروقان والنعنشه قبلك دُنيتى كانت صورة مِنغمشه عمايلك مُدهشه معششه فى قلبي أعمل ايه ؟ تضحكلى الضحكه أروق وأصفىّ تعدِل مزاجى قوام إنت إخترعت إزاى وصفه بتجمِل الأيام ياخاطفنى حتة دين خطفه يابو أحلى كلام أنت اللى وجودك يبسِطنا ده كلام خلاص معروف ده انت مهنينا مسيطنا وخرجت ع المألوف خليتنا ف السما عليتنا إتفضل شوف.

تصريحات رامي صبري الأخيرة

وعلى صعيد آخر، حل الفنان رامي صبري ضيفًا على برنامج أجمد 7 الساعة 7 والذي تقدمه الإعلامية "جيهان عبد الله" عبر قناة "نجوم إف إم" وتحدث رامي صبري خلال الحلقة عن كواليس أغنية يمكن خير، كما رد على اتهامات عمرو مصطفى له بسرقة لحن أغنيته رقصة، ومن أبرز تصريحاته:

• أنا عامل أغنية يمكن خير في سنة 2013 بعد الثورة، وهي لحد من أسبوعين كانت رقم 1 قعدت 4 شهور رقم واحد .
• مش رامي صبري اللي يسرق لحن ولو هو يعرفني كويس مش هيتهمني الاتهام ده وممكن يكون فيه توارد أفكار وفيه 10 ألحان ممكن يكون فيهم جملة شبه التانية.
• ملحن كبير زي عمرو مصطفى مينفعش يطلع يقول على فنان وملحن مش صغير ومطرب مش صغير أنه سارق أنا مكانتي مش صغيرة في الوسط.
• عمرو خريج كلية حقوق، وأنا خريج معهد موسيقى عربية قسم تأليف موسيقى يعني لما تيجي تتكلم عن متخصص وانت خريج حقوق يعني لازم تعرف انت بتتكلم عن مين.
• أنا لو مركز معاه هاحبسه بالقانون ولكن أنا بكبر دماغي
• أنا مش بتاع خناقات ولا دي طريقتي ولا هرد عليه بطريقته وهقوله ربنا يهديك وركز في شغلك اكتر واعملنا شغل حلو.