هل حدث خلاف بين هنا الزاهد وأحمد فهمي في كواليس مستر إكس؟.. محمد أنور يجيب

كشف الفنان محمد أنور عن ملامح شخصيته في فيلم مستر إكس، الذي يعرض حاليًا بدور العرض، وذلك خلال لقاء له ببرنامج الراديو بيضحك مع الإعلامية فاطمة مصطفى.

تحيا مصر يرصد تفاصيل تصريحات محمد أنور

محمد أنور في فيلم مستر إكس

وقال محمد أنور: الدور كان مبني على أنه ميضحكش خالص ومكانش عندي اعتراض، وساعتها كنت بتمرن جيم، وتعبت جدا عشان لما أدخل الناس تتفاجئ، وكانوا مستغربين مني على مستوى الشكل والأداء، ولما جينا نصور مكنتش عايز الناس تكرهني فبقيت أضحك من غير قصد.

وعن حقيقة الخلافات التي حدثت بين هنا الزاهد وأحمد فهمي في كواليس الفيلم، قال محمد أنور: أحمد فهمي طول الوقت عليه مشاكل في السوشيال ميديا مش عارف ليه، واحنا عملنا عرض خاص للفيلم وكانوا موجودين، ومفيش بينهم حاجة، وهما زي العسل مع بعض، وكل دي شائعات سوشيال ميديا.

تفاصيل فيلم مستر إكس

ومن الجدير بالذكر أن فيلم مستر إكس تدور أحداثه حول إكس الذي تتسبب عقدة نفسية قديمة لديه في إنشاء منظمة سرية، يسعى من خلالها بدفع الرجال لطلاق زوجاتهم، ولكن تنشأ قصة حب بينه وبين محامية تضعها الظروف في طريقه، فيحاول جاهدا إبعادها عن كل المخاطر.

ويشارك في بطولة الفيلم عدد كبير من النجوم والنجمات، منهم: أحمد فهمي، هنا الزاهد، محمد أسامة الشهير بـ أوس أوس، بيومي فؤاد، صبري فواز، محمد أنور، عمرو يوسف، مصطفى خاطر، ومن من تأليف أحمد عبد الوهاب وأمجد الشرقاوي، وتحت قيادة المخرج أحمد عبد الوهاب.

أول رد من هنا الزاهد على طلاقها من أحمد فهمي

وسبق خرجت الفنانة هنا الزاهد للرد على شائعة طلاقها من الفنان أحمد فهمي والذي انتشرت في الفترة الأخيرة الماضية، مشيرة إلى أن لا تفضل الحديث في هذه المواضيع حتى لا تنتشر في نطاق واسع.

وقالت هنا الزاهد خلال ضيافتها على قناة المشهد: لو في اي حاجة بتحصل الناس كلها هتعرفها، مبحبش أطلع أقول لا أو اه علشان بحس إننا بنكبر الموضوع اكتر، يعني حتى لو هو خبر لما بطلع أقول لا يجماعة فيه ناس مبتبقاش عارة أصلا الخبر ده، فبكبره أكتر.