أحمد فهمي: فكرة مستر إكس مش معادية للستات وبسعى إني أنافس كل الناس مش جيلي بس

حل الفنان أحمد فهمي ضيف على برنامج “تفاعلكم”، المذاع عبر قناة الفضائية العربية، والتي تحدث خلاله عن فيلم “مستر إكس”، والمنافسة القوية التي يشهدها في السينمات.

تحيا مصر يرصد في ذلك التقرير تصريحات أحمد فهمي في تفاعلكم

أحمد فهمي: بسعى إن أنافس كل الناس وكريم عبد العزيز أخويا بس ده حقي

وتحدث أحمد فهمي عن المنافسة القوية التي يشهدها فيلم مستر إكس، موضحا: "الفيلم خلال أسبوعين حقق رقم كبير في مصر وسط منافسة كبيرة، وعلى آخر الصيف هيكون عمل رقم كبير أوي، نبني عليه المرحلة القادمة بفيلم أكبر وأحلى، وأبتدي أنافس مش بس جيلي.

وتابع حديثه:  كريم عبد العزيز أخويا وصاحبي وأستاذي، وأتمنى له النجاح وأنا من جمهوره، لكن كل بني آدم عنده طموح في وقت معين ينافس أي حد ويعديه، مش عيب.. أنا ببني إني في يوم من الأيام أقدر أعدي إيرادات كل الناس، وأعمل أفلام أحلى من كل الناس، وده حق مشروع.

أحمد فهمي: فكرة مستر إكس مش معادية للستات

وعن فكرة مستر إكس وحقيقة أنها معادية للنساء، قال أحمد فهمي: مستر أكس مش معادية للستات بس معادية لطريقة تفكيرنا في العلاقات، وفكرة اختياراتك، وأنت بتتربى إزاي في المجتمعات العربية على إنك بتختار اللي يرضي المجتمع.

ويذكر، أنه تدور أحداث  فيلم مستر إكس حو قصة حب بين رئيس إحدى العصابات، وبين محامية تضعها الظروف في طريقه، فيحاول جاهدا إبعادها عن كل المخاطر.

أحمد فهمي وكواليس مستر إكس

هذا وتحدث أحمد فهمي خلال لقائه بموقع تحيا مصر عن تفاصيل وكواليس تصوير مستر إكس، فقال: الفيلم كواليس تصويره كانت صعبة جدا ولكن أنا وأنور وأوس أوس صحابي اللي بخرج وبقعد معاهم كل يوم فكان حاجة لطيفة إني اروح معاهم لوكيشن التصوير، حتى لو المشاهد صعبة واليوم صعب، وأحمد السبكي بعتبره أبويا الروحي، واشتغلت مع أحمد عبد الوهاب في ريح المدام وكان في بعض الحلقات أحمد بيشتغل فيها وكان أول تعاون بيني وبينه، وهو راجل عنده طموح وانه يقدم فيلم كوميدي بشكل مختلف وهو نجح في ده.