ياسمين عز عن الزواج من طبيبة: هتتجوز وحدة رعاية مركزة متنقلة وبتبرق طول الوقت

حرصت الإعلامية ياسمين عز على ذكر بعض المميزات في زواج الرجل من المرأة الطبيبة والمرأة التي تعمل موظفة في البنك، وذلك خلال حلقتها في برنامج “كلام الناس”، المذاع على شاشة قناة mbc مصر.

تحيا مصر يرصد في ذلك التقرير تصريحات ياسمين عز عن الزواج من طبيبة وموظفة في بنك

ياسمين عز تشيد بالطبيبات: صوتها شتوي طول المواسم وست جبل بمعنى الكلمة

وقالت ياسمين عز عن مميزات الزواج من طبيبة: عزيزي الفرعون ياللي بتفكر في الجواز من الطبيبة او الدكتورة ربنا بيبحبك وولادتك راضية عليك، ده معناه انك هتتجوز وحدة رعاية مركزة متنقلة، ومفيش ست في الدنيا هتهتم بيك زيها، غير انها في قلبها طيبة وحنية رباني ووشها مبستم طول الوقت وصوتها شتوي طول المواسم

الدكتورة مش بتكتب لجوزها حاجة والنضافة اولا وثانية فلة وبتبرق دلال من الدال، حكيمة من الحكمة ومش بسب بطبب الناس.. صبرت على دراسة 7 سنين طب ست جبل بمعنى الكلمة مفيش في صبرها وقوة احتمالها وبتسحملك ولا أجدعها راجل مع ان مفيش اجدع من الرجالة بس الجملة بتتقال كدة.

واستكملت: صعب تصدق عنك حاجة مشفتهاش بعنيها وقبل أي قرار بتاخده لازم تعمل تحليل منطقي ومستحيل تجرحك عشان تداوي مشكلتها معاك حياتها مزيكا وجعها ليك أخرته خير. 

ياسمين عز وموظفات البنوك: مش هتحتاج تقولها اهتمي بنفسك

كما أشادت بـ موظفات البنوك فقالت: اتجوزت الشياكة والأناقة كلها كل حاجة مش هتحتاج تقولها اهتمي بنفسك بتاكل ومش بتتخن جيناتها كدة سوبر مودل مواعيدها ثابتة فعمرها ما تتأخر عليك في حاجة صوتها واطي على طول بتصوص طول الوقت مش هتندهلك غير يا فندم ورضاك هي مهمتها الأساسية هتعرف تظبطلك ميزانية البيت غير انها كسيبة وشيك في تعاملتها هتتحمل كل مصاريفها الشخصية مش هتقولك عايزة هدوم الفئة الوحيدة من الزوجات اللي مش هتطلب اي كلمة سر تخصك.

ياسمين عز وإشادتها بالمهندسات

وسبق وتحدثت ياسمين عز عن مميزات المهندسة، فقالت: يا سعدك يا هناك يا فرعون لو اتجوزت مهندسة لأن فخامة الاسم تكفي، ومش هتكون محتاج حاجة من الدنيا، بنت على الفرازة وزي ما الكتاب بيقول، واوعى تصدق الشائعات المغرضة اللي بتكتب أن بنات هندسة مسترجلين ومش حلوين، دول ملكات جمال من نبت شعرهن لأخمصهن، وكل خطوة بحساب وكل قرار محسوب بالمازوة وحياتك معاها هتكون بالمسطرة.