أرملة طليق بوسي: بوسي وأخته قتلوه قهر وظلم.. ومشوفتش منه غير كل خير

اتهمت أرملة طليق بوسي المطربة بوسي بأنها السبب في وفاة زوجها، وذلك خلال لقاء لها بموقع تحيا مصر، أثناء عزاء زوجها فطين اليوم.

تحيا مصر يرصد تفاصيل تصريحات أرملة طليق بوسي

أرملة طليق بوسي: بوسي وأخته قتلوه قهر وظلم

وقالت أرملة طليق بوسي: بوسي وأخته قتلوه قهر وظلم، أخته نصبت عليه في فلوسه 2 مليون، وبوسي دمرت حياته، حطيتله في أوضة النوم ذخيرة، ومخدرات وسلاح عشان ميعرفش يقف قصادها.

وتابع: وأخته أخدت منه الشيك بتاعه ولما قالها ادهولي أنا في شدة قالتله ملكش حاجة عندي، أنت ميت، وأنا مشوفتش منه غير كل خير، وأخر حاجة قالهالي أنا عايز حق ولادي، وكان عايز يتفاوض.

واضافت: هشام ربيع جوز بوسي جاب بلطجية معاه رفعوا على المحامي بتاع جوزي سلاح وهددوه وخدوا منه الشيكات، وهو دلوقتي محبوس بسرقة شيكات جوزي.

تصريحات بوسي عن طليقها

وسبق وأن كشفت الفنانة بوسي حقيقة قيامها بتأجير بلطجية للاعتداء على طليقها، وذلك خلال لقائها اليوم ببرنامج حبر سري مع الإعلامية أسما إبراهيم.

وقالت بوسي: ممكن يكون هو اللي قال كدا للناس.. أنا مش عايزة أخوض في سيرته كتير، الله يسهله، وطول ما هو بعيد هني أنا تمام.. بس أنا لو عملت كدا هقول، ربنا حليم ستار دي كانت علاقة راحت بحلوها وبوحشها، أنا دلوقتي ست متزوجة معايا راجل وراجل قوي كمان وبحترمه، وكمان فيه طفل من طليقي فمش هينفع أقول أي كلمة وحشة تخص أبوه، وهو هيكبر وهيعرف كل حاجة لوحده.

واستكملت بوسي حديثها عن علاقتها بزوجها السابق قائلة: والعلاقة دي وجعتني ورجعتني ورا بسبب المشاكل، وهو كان سبب المشاكل، كلنا فينا عيوب، بس عيوبي مش بتضر، أنا عصبية شوية خلقي ضيق حبتين بس عمري ما أذيت حد، أنا بؤ على الفاضي.

أخر أعمال بوسي

وعلى صعيد آخر، طرحت المطربة بوسي فيديو كليب جديد لها بعنوان مسوا لي وصبحوا، وذلك على القناة الرسمية لشركة روتانا عبر موقع الفيديوهات العالمي يوتيوب.

وجاءت أعنية مسوا لي وصبحوا من كلمات تامر حسين، ألحان عزيز الشافعي، وتوزيع جلال حمداوي، وتقول كلماتها: “مسوا لى وصبحوا على الحلو فى مطرحه مسوا لى وصبحوا على الحلو فى مطرحه اللى بيعدل مزاجى بمجرد ما المحه اللى بيعدل مزاجى بمجرد ما المحه هو سر اندماجى منين ما اروح ولا اجى”.