بعد رحلة من التكريمات.. هالة صدقي تستمتع بإجازتها الصيفية

تستمتع الفنانة المصرية هالة صدقي بإجازتها الصيفية بعد رحلة طويلة من التكريمات عن دورها في مسلسل جعفر العمدة.

تحيا مصر يرصد استمتاع هالة صدقي بإجازتها الصيفية.

هالة صدقي تقضي عطلتها الصيفية

نشرت هالة صدقي صورة لها بأعلى مركب وسط البحر عبر حسابها الرسمي بموقع تبادل الصور والفيديوهات القصيرة إنستجرام، وعلقت عليها قائلة: بعد رحلات مكوكية كلها تكريمات غالية من تونس للكويت للمغرب وصحيح كلها درجات حرارة عالية على كل البلاد.. حان وقت الإجازة لمدة أسبوع.

هالة صدقي في معكم منى الشاذلي

من جانبه، كانت قالت هالة صدقي خلال استضافتها في برنامج معكم والتي تقدمه الإعلامية منى الشاذلي ويعرض عبر قناة سي بي سي: نجاحي في مسلسل جعفر العمدة هو نجاح بنات جيلي لأن البعض مش مهتمين بينا وبينزلونا درجة تانية ومش بيدونا حقنا ومش بيستغلوا خبرتنا وبيستسهلوا.

وتابعت:  جيلنا كله مظلوم ومش مبسوطة من اللي بيحصل واحنا عندنا مواضيع مهمة ومش عندي مشكلة نشغل الشباب بس ناخد حقنا.

وأضافت: ماشية بمبدأ أمشي عدل يحتار عدوك فيك ولو صادقة وماشية صح كل حاجة هتبقى مظبوطة.

وتابعت هالة صدقي: تجازوت اللي حصلي ولا كأن في حاجة حصلت وبشكر ربنا أن تجربتي كانت تافهه وكانت مجرد شوية مشاكل وإجراءات وليها حل، وفي حاجات أصعب مكنتش هقدر عليها. 

تصريحات هالة صدقي

وكشفت هالة صدقي عن حبها الشديد للسباحة وقالت: بعوم ساعتين تلاتة وعمري ما أنسى إني سباحة ولو عندي مشاكل الدنيا ونزلت أعوم بنسى المشاكل لأنها الراحة بالنسبالي.

تحدثت الفنانة هالة صدقي عن كواليس مسلسل جعفر العمدة، وقالت: نجاح غير عادي وأنا مخضوضة مع إني لسه مخرجتش وسط الناس لكن شوفته على السوشيال ميديا، و أنا فرحانة بس مش فرحانة أنا ست كئيبة بطبعي لأني بسأل انتي هتعملي إيه بعد كده، وكان في كيميا عظيمة بيني وبين محمد رمضان وحلو لما يبقى الاتنين ممثلين وهو ممثل وشاطر وموهوب ولما احنا الاتنين مع بعض بنبقى شغالين على خط واحد وسامي معانا احنا التلاتة طلعنا مشاهد أكثر من رائعة،  نجاح شخصية صفصف كان بسبب محمد سامي.