هاني عادل لجمهور مهرجان القلعة: انتو جمهور عزيز علينا اوي وبنيجي هنا عشان عيونكم

أعرب الفنان هاني عادل عن سعادته بإحياء حفل غنائي ضمن مهرجان القلعة ال 31، مشيدا بجمهور مهرجان القلعة والذي يأتي فريق وسط البلد كل سنة فقط لرؤيته لأنه كان له فضل كبير في نجاحه .

تحيا مصر يرصد في ذلك التقرير رسالة هاني عادل لجمهور القلعة

رسالة هاني عادل لجمهور القلعة

وقال هاني عادل على هامش حفله الغنائي بمهرجان القلعة والذي أقيم في اليوم الثاني من فعاليات المهرجان: جمهور القعلة جمهور عزيز علينا اوي والمكان نفسه مكان عزيز علينا جدا لأننا من أول ما بدأنا من 26 سنة بعدها بأربع سنين بقينا نيجي مهرجان القلعة كل سنة، فإحنا بنيجي هنا عشان عيونكم.

فريق وسط البلد يشعل حفل مهرجان القلعة

وأشعل فريق وسط البلد حفله في مهرجان القلعة بمجموعة مميزة من أعماله الغنائية، من بينها: قل للمليحة، تسمحيلي، قربيلي، نفسي أحبك، مجنون، الجارية، هيلا هوب، يارب يا معز، عالوعد، أنتيكا، القاسية، مسكرات، يالالي، شمس النهار.

أخر أعمال فريق وسط البلد

وكان قد طرح فريق وسط البلد مؤخرا أغنية على الوعد بعد غياب دام طويلا وهي من كلمات الشاعرة أمار مصطفى وألحان وسط البلد، ومن إخراج عبد المنعم محمد على، ودارت فكرة تصوير فى إطار بسيط، ظهر من خلالها جميع أعضاء الفريق وهم فى حالة من السعادة والبهجة والفرحة وهم يتفاعلون مع الرقصات والجو العام المصاحب للتصوير.. ويعتبر هذا التعاون هو الأول بين فريق وسط البلد و شركة "جاما ميوزيك" للمنتج محمد جابر.

وأتت كلمات أغنية ع الوعد على هذا النحو: ماسكة اديه.. وعنيها في عينيه بتطمنه بكلام بيقويه وتوعده سوا يكبروا ماهو ليها وهى ليه مهما الكون دار حواليها وحواليه ينادي عليها تجري دنيتها بيها واللي كان بس ليها يتوه عن عنيها وتبعده ومهما بتنسى هو ع الوعد لسة مهما تكون بعيدة شايفها ومستنيها صوته الضعيف الهادي من جوا منها ينادي كل اللي حلمت بيه وياه .. لسة مادد ايديه يا هل ترى سمعاه. يا هل ترى فكراه جواها مش شايفاه وبتدورعنيها عليه ينادي عليها تجري دنيتها بيها واللي كان بس ليها يتوه عن عنيها وتبعد ومهما بتنسى هو ع الوعد لسة مهما تكون بعيدة شايفها ومستنيها اتاري هى كمان كل اما عينها تنام يرسملها ضحكة ويلون الأيام يرسملها ضحكة ويلون الأيام ينادي عليها تجري دنيت-ها بيها واللي كان بس ليها يتوه عن عنيها وتبعد ومهما بتنسى هو ع الوعد لسة مهما تكون بعيدة شايفها ومستنيها.