زينة منصور عن أداء داليا شوقي في سفاح الجيزة: ممكن ميكونش عندها الخبرة الكافة لكن بتجتهد

كشفت الفنانة زينة منصور عن رأيها في مسلسل سفاح الجيزة والذي خاض بطولته الفنان أحمد فهمي وتم عرضه على منصة شاهد الإلكترونية مؤخرا، فضلا عن رأيها في الهجوم على داليا شوقي بسبب مشهد ضمن أحداث المسلسل.

تحيا مصر يرصد في ذلك التقرير تصريحات زينة منصور عن مسلسل سفاح الجيزة وأداء داليا شوقي

وقالت زينة منصور في تصريحات خاصة لـ موقع تحيا مصر: مسلسل سفاح الجيزة دي قصة واقعيه وعادي انها تتعمل م معترضه وكمان ده بيتعرض علي منصه اللي عاوز يتفرج يتفرج واللي مش عاوز خلاص انا مقدرش أمثل في مسلسل زي ده لكن كل العوامل في كويسة. 

زينة منصور عن داليا شوقي: هتفضل تجرب وتجتهد وممكن يكون مكنش عندها خبرة كافية

وتابعت: الناس بتشوف الـ 3 دقائق اللي بيطلعوا ميعرفوش اللي ورا الكواليس كون انها بتجتهد واشتغلت ممكن ميكونش عندها خبرة لكن واحدة واحدة مين كان واقف قدام الكاميرا عبقري تمثيل فهي اكيد هتجرب يعني لغايه اما تقتنع.

وأكدت: الجمهور ليه حق التقييم وقبل ما بعمل الحاجه بعقلها والتوكل لازم افكر ده هيبقي اي واكيد مش كل الناس بتفرح لكن أنا بأدي عملي بما يرضي الله  ومش بشغل دماغي.

زينة منصور عن الحجاب: نفسي البس الحجاب

وسبق وقالت زينة منصور خلال تصريحات خاصة لـ موقع تحيا مصر: تواجدي في مسابقه ملكة جمال المحجبات بيعنيلي حاجات كتير واول مرة احضر حاجه زي دي ولما كلمني قولتله ملكة جمال  المحجبات قولت اجي اشوف الناس دي بتتكرم ازاي وعلي اي واي الاسئله والحمدلله اني جيت.

وتابعت حديثها، معربة عن فخرها واعتزازها بالحجاب، فقالت: الحجاب بيزيد من جمال الست وفي يوم من الايام هفكر اتحجب وأنا في فتره من حياتي كنت لابسه حجاب لاني كنت ف دوله عربيه لازم البس فيها حجاب وعباية  وطرحة وشايفة أنه سترة ويارب اتحجب.

أخر أعمال زينة منصور

 يذكر، أن أخر أعمال الفنانة زينة منصور مشاركتها في مسلسل ضرب نار الذي خاض بطولته إلى جانب الفنانة ياسمين عبد العزيز وأحمد العوضى، وعدد كبير من النجوم والنجمات، منهم: كل من ماجد المصرى، هدى الإتربى، سهير المرشدى، دنيا المصرى، إسراء رخا، أحمد غزى، إيمان السيد، بدرية طلبة، أحمد عبد الله، تيسير عبد العزيز، تامر مجدى وآخرين.