مدحت العدل عن خلاف يسرا ونيللي كريم مع العدل جروب: بنعتبرهم نجوم الشركة

حرص السيناريست مدحت العدل التعليق على ما تردد في الفترة الأخيرة حول وقوع خلاف بين شركة العدل جروب والنجمتين يسرا ونيللي كريم.

تحيا مصر يرصد تفاصيل تصريحات مدحت العدل الأخيرة

خلاف بين شركة العدل جروب يسرا ونيللي كريم

وقال مدحت العدل خلال لقاء له ببرنامج عرب وود: طول ما الناس بتشتغل مع بعض لازم هيحصل خلاف، لأن احنا بنشتغل وبنعمل، بس مستحيل الخلاف يوصل أن احنا منشتغلش مع بعض لأننا بنعتبر يسرا ونيللي نجوم العدل جروب.

وتابع: وبالتالي ممكن ميبقاش عندنا السنادي نص مناسب لنيللي، لكن مستحيل شركة زي العدل جروب تبقى موجودة ومتتعاملش مع نيللي ويسرا ويستحيل هما ميتعاملوش مع العدل جروب، ودي شركتهم.

مدحت العدل:  أنا بحب المنافسة.. ولازم الناس تعرف أن المنافسة شيء جيد

وسبق وأن كشف السيناريست والمؤلف مدحت العدل عن رأيه في منافسة أفلام موسم الصيف هذا العام، مؤكدًا على أن المنافسة شيئًا جيدًا، ويصب في مصلحة السينما المصرية.

وقال مدحت العدل في تصريحات خاصة لموقع تحيا مصر: أنا بحب المنافسة ولو مفيش منافسة مش هجود ولازم الناس تعرف أن المنافسة شيء جيد، وأن أنا لما ببقى لوحدي، ايه حلاوة أني أجيب إيرادات ومفيش غيري، لكن لما بنبقى مع بعض، كلنا بنجود وبنحاول نقدم أحسن ما عندنا وكل دا بيصب في صالح السينما المصرية اللي هي القوة الناعمة.

أما بسؤاله عن السبب وراء تعاون شركة “العدل جروب” مع نجوم محددين فقط، قال مدحت العدل: احنا بنشتغل مع كل الناس، محمد رمضان اشتغلنا معاه قبل كدا في نسر الصعيد وكسر الدنيا، اشتغلنا مع منة شلبي في حارة اليهود، واشتغلنا مع ريهام حجاج، ومع نجوم الشركة زي يسرا ونيللي كريم وهكذا.

مدحت العدل مع منة شلبي في مسرحية جديدة

وعلى صعيد أخر، كشفت السيناريست مدحت العدل عن تفاصيل مسرحيته الاستعراضية الجديدة، مع النجمو منة شلبي، وذلك خلال لقاء له ببرنامج عرب وود.

وقال مدحت العدل: هي تكملة لتجربة عملناها السنة اللي فاتت في موسم الرياض اللي هو تشارلي شابلن، وأنا كمان مرة بشكر هيئة الترفيه، لأنها من الناس اللي وقفت جمب العرض، فهو عرض صعب ومحتاج إمكانيات، وشجاعة، فاتعمل ونجح في الرياض وفي جدة وفي القاهرة للموسم الثاني على التوالي.