محمد عطية: لسة في ناس بتموت وأطفال بتتقتل وال 24 ساعة اللي فاتوا من أسوأ الساعات اللي عدت على غزة

حرص الفنان محمد عطية على توجيه رسالة لجمهوره ومتابعيه عبر موقع تبادل االفيديوهات والصور انستجرام، مشيرا إلى أن القصف لازال مستمر على فلسطين وارتكبوا أكثر من 24 مجزرة في يوم.

تحيا مصر يرصد في ذلك التقرير تصريحات الفنان محمد عطية للجمهور بشأن ما يحدث في فلسطين 

محمد عطية: لسة فيه ناس بتموت ولسة في اطفال بتقتل

وقال محمد عطية في فيديو عبر حسابه الرسمي بموقع انستجرام: لسة فيه ناس بتموت ولسة في اطفال بتقتل، والقصف لسة مستمر وال 24 ساعة اللي عدوا من أسوأ الساعات اللي عدت على قطاع غزة منذ بداية عمليات القصف، ولكن احنا عندنا نقطة تحول في كيفية تفاعلنا مع الاحداث، وده بدأ من اليوم اللي تم فيه قصف المستشفى.

محمد عطية: تفاعلنا مع الاحداث قل والحاجات دي هما قصدنها ارجوكم استمروا في التفاعل

وتابع حديثه، قائلا: احنا قبل قصف المستشفى كنا بنتفاعل مع الاحداث بشكل مستمر، حصل قصف اللي هي أبشع كارثة بشرية فبدأنا نتفاعل بطريقة أقل مما سبق، الحاجات دي كلها مقصودة الناس دي مش بتعمل حاجة اعتباطا، هو اداك ابشع حاجة عشان تتقبل الواقع اللي بعد كدة وتتبلد المشارع اتجاهه، اوعوا يجماعة الحاجات دي تتعدى عليكم عادي لأنهم قاصدين ده.

محمد عطية وتفاعله مع القضية الفلسطينية

وسبق وقال محمد عطية: عايز اقول حاجة وياريت الناس متفهمنيش غلط، انا مش بقلل من قيمة الفن ولكن أرجوكم بلاش أغاني واسكتشات وحاجات من دي على صفحتكم واستغلوها في دعم فلسطين، استغلوها في أننا نظهر الحقيقة ليهم، الواحد مقهور من اللي بيحصل ده.

وتابع: بناشد كل المؤثرين على السوشيال ميديا من ممثلين ولاعبين كرة وبلوجرز، أرجوكم اتكلموا على اللي بيحصل في فلسطين.. سنُسأل لاحقا عن شعب تم إبادته بالكامل قدام عينينا وإحنا واقين بنتفرج، الوضع هناك أسوأ من السجن، أنت في السجن متأمنلك أكل وشرب ومش معاك أطفال ولا رُضع، الوضع في غزة مش بالمنظر ده، النهاردة إسرائيل أمرت بإخلاء شمال غزة، ولو ممشيوش أنتو عارفين إيه اللي هيحصل، والإعلام الغربي بيباركوا الإبادة الجماعية في فلسطين وشايفين إن إسرائيل هي الضحية.