مروان موسى: تراك راجعين هو رسالة للشعب الفلسطيني إننا في ضهرهم كشعوب

كشف المطرب مروان موسى عن كواليس تراك راجعين والذي سيطرح تضامنًا مع القضية الفلسطينية وعن سرعة استجابة النجوم المشاركة في التراك، وكيف جاءت الفكرة، من خلال لقائه الإاعي عبر شبكة مونت كارلو، معبرًا عن حزنه الشديد للأوضاع الراهنة التي يشهدها أهالي غزة من قبل الاحتلال الإسرائيلي، مشيرًا إلى رسالة ترالك راجعين.

تحيا مصر يرصد لكم أبرز تصريحات مروان موسى في إذاعة مونت كارلو عن كواليس تراك راجعين والرسالة الستهدفة من الأغنية وكيف حاءت الفكرة تضامنًا مع القضية الفلسطينية

مروان موسى:  لو الرسالة هتوصل عالميًا تحكي القصة 

تحدث مروان موسى عن كواليس تراك راجعين من خلال لقائه في إذاعة مونت كارلو، وقال: "حاولنا على نقدر أننا نلغي البصمة الشخصية في سبيل الصورة الأكبر وأننا نوصل رسالة أولًا للشعب الفلسطيني إننا في ضهرهم كشعوب وإحنا بنعمل اللي علينا، وتاني حاجة لو الرسالة هتوصل عالميًا تحكي قصة الناس دي بالشكل الصح مش بالشكل اللي بيتحرف".

وعن كيف جاءت الفكرة قال مروان موسى: "أنا كنت مع عفرتو وجالنا مكالمة من ناصر البشير من الأردن وهو المنتج واللي جمع المشاركين وكنا وقتها متضايقين من اللي بيحصل، وبالفعل روحنا له بأسرع وقت تاني يوم وحاولنا أننا نساعده بالناس اللي نعرفها، وساعتها كلمنا هبة أبو حيدر وكلمنا باقي النجوم، وكل الناس كانت متعاونة، وكل ما نكلم حد إحساسه عن اللي بيحصل نفس الإحساس ومفيش تصنع ووافقوا في نفس الثانية وكان في إحساس مختلف".

مروان موسى: طلبنا وضع مشاهد حقيقة من اللي بيحصل 

وتابع مروان موسى قائلًا: "الحمد لله الواحد شاف حاجة جديدة وأول مرة أشوف العرب متحدين في حاجة واحدة زي دي، طلبنا أن يتحط مشاهد من اللي بيحصل غزة فعلًا ده المهم دلوقتي ومحدش فينا كان في الموود، وإحنا داخلين دلوقتي سمعنا إن في ضرب في مخيمات معينة في غزة وطوال ما كنا ببنسجل في الأغنية كنا بنتشحن بأخبار زي دي وخصوصًا أننا في الأردن جنب الحدود أكتر لغزة".

واختتم مروان حديثه قائلًا: "أنا معرفش العمل الفني يقدر يعمل فرق قد إيه بصراحة بس لو هيساهم أن حد ممكن يحس بالدعم من جوه أرض فلسطين لأن في كتير مفكر أن مش فارق لنا ومن خلال الأغنية بنقول لهم باسم بلادنا إحنا في ضهركم ومعاكم ده غير طبعًا التبرعات وأن أي مشاهدات هتروح للمؤسسات اللي إحنا اخترناها وهنكتبها على الفيديو، وبنطلب من خلال الفيديو أن الناس تتبرع".

اقرأ أيضًا: صفاء سلطان لـ الفنانين: في مجازر بتحصل وأنت خايف على حسابك

اقرأ أيضًا: محمد رمضان للاحتلال: ديننا وصانا نحترم كافة الأديان.. وأنتم مش حمل الغضب العربي

تفاصيل تراك راجعين

والجدير بالذكر، أن يشارك في تراك راجعين 25 فنان مصري وعربي تضامنًا مع القضية الفلسطينية وهم: سيف الصفدي، دانا صلاح، غالية شاكر، عفروتو، التونسي نوردو، سيف شروف، الأخرس، عصام النجار، أمير عيد، بالطي، وسام قطب، دينا الوديدي، بطاينة، عمر رمال، يونغ، رندر، فورتكس، سمول إكس، ALA، فؤاد جريتلي، دنيا وائل، زين، مروان موسى، مروان بابلو، ودافنشي.