محمد رمضان يعلق على أزمة بيومي فؤاد ومحمد سلام: محدش فيهم غلط

حرص الفنان محمد رمضان التعليق على أزمة الفنان بيومي فؤاد، والفنان محمد سلام التي اشتعلت خلال الفترة الأخيرة، وذلك من خلال منشور عبر حسابه الشخصي على موقع تبادل الصور والفيديوهات إنستجرام.

تحيا مصر

حديث محمد رمضان عن بيومي فؤاد ومحمد سلام

وقال محمد رمضان في مقطع فيديو له: رسالتي لكل جمهوري العربي رأس مال أي فنان أو نجم في الدنيا هو الناس اللي هما حضراتكم، بنطلب من كل حبايبنا وكل اللي حاولينا أمي وأبويا يدعو أن ربنا يحبب فيا الناس والجمهور، شيء قاسي لما أكتر حد أنت تبقى عايز تسعده وتنال رضاه هو اللي يكون قاسي عليك بالكلام، وكلامي عن زملائي وأخواتي وأنا بتشرف بيهم الاتنين محمد سلام وبيومى فؤاد، لا سلام غلط ولا بيومي غلط حتى لو في ذلة لسان.

محمد سلام أنا اللي مشيته.. حقيقة تصريح بيومي فؤاد خلال مسرحية زواج اصطناعي

محمد رمضان للاحتلال: ديننا وصانا نحترم كافة الأديان.. وأنتم مش حمل الغضب العربي

محمد رمضان: ياريت نكون أحن من كده على بعض

وتابع محمد رمضان: إحنا بنقول اللهم لا تؤاخذنا إن نسينا أوأخطانا، لوغلطنا وإحنا بنصلى ربنا بيسامحنا، فعملوا إيه الاتنين عشان نكون قاسين عليهم من هنا على سلام أو بيومي، الأخبار اللي بسمعها اللي إن شاء الله تكون إشائعات إن سلام مش هيشتغل ولا حد هيسمح بكدا ولا إحنا كفنانين ولا الجمهور هيسمح بكده، اللي هو في ضهر أي فنان بيحبه وبيساعده.. ولا إحنا مع بيومي أن يقفل الكومنتات عشان ميشوفش كلام وحش، ياريت نكون أحن من كده على بعض.

أزمة بيومي فؤاد ومحمد سلام

وكانت قد اشتعلت أزمة مؤخرًا بين الفنان بيومي فؤاد والفنان محمد سلام، بسبب اعتذار الأخير عن المشاركة في مسرحية زواج اصطناعي في موسم الرياض، بسبب الأحداث الجارية في غزة.

حيث انتقد بيومي فؤاد اعتذار محمد سلام، وقال على خشبة المسرح بعد انتهاء عرض المسرحية في السعودية أمام الجمهور: من حقك تعتذر عن المسرحية لكن مش من حقك تغلط في فنك، احنا مش بنيجي عشان نضحك حضراتكم، احنا بنقدم فننا، أنتو بتحترمونا واحنا بنحترمكم جدا، شيء عظيم أن الفنان يبقى ليه جمهور في كل الدول، شيء عظيم أني أتصور مع شاب سعودي أو سيدة سعودية، وهي تعلم أن أنا مصري، أنا بشرف بلدي.

وتابع: كنت بحاول أخفف عن الراجل اللي أنقذ موقف وكان قدها اسمه محمد أنور، أنا فنان مصري وليا الشرف، جيت المملكة العربية السعودية وليا الشرف، كتر خيركم، احنا بنتعب وبنشقى عشان نقدم فن، مش عشان نيجي نضحك.