مسلسلات رمضان 2024.. علا غانم أمام أكثر من سيناريو

مسلسلات رمضان 2024.. عُرض على الفنانة علا غانم أكتر من عمل فني لخوض به السباق الرمضاني 2024، حيث وعدت الجمهور أنها ستكون ضيفة خفيفة عليهم حسب قولها.

تحيا مصر

علا غانم في رمضان 2024

وقالت علا غانم: في أكتر من عمل معروض عليا، ولكن أنا بوعد الجمهور إني هكون ضيفة خفيفة عليهم في رمضان.

علا غانم تتعاون مع إلهام شاهين في فيلم سينمائي 

وعن تعاونها مع إلهام شاهين في فيلم سينمائي قالت: أنا بموت في إلهام شاهين وأي حاجة معاها هعملها على طول، وفي فيلم بيتكلم عن المرأة وعلاقتها بجوزها ولسه بيتكتب ولكن المنتج اتكلم معانا علشان ياخد موافقات مبدئية.

واستطردت علا عانم، أنا بعدت 7 سنين وكنت عايزة أحس بحب الجمهور ليا، خاصة إني من الممثلين اللي قليل أوي حد يقولي برافو علشان خايفين أن ده يأثر على أدائي كممثلة، عايزين يحتفظوا بيا كممثلة، ورد فعل الجمهور فاق توقعاتي وكنت فاكرة إني لما هبعد أعمالي هتبعد معايا، ولكن مفيش شهر بيعدي إلا وعمل بيتعرض على الشاشة، وده بيدل على أن الجمهور بيحبني، وأنا حقيقي مقدرة حب الجمهور وأوعده أن اللي جاي أحسن كتير.

علا غانم تكشف حقيقة خلافات فيلم أولاد حريم كريم 

من جانبه، قالت علا غانم عن خلافات فيلم أولاد حريم كريم: الدنيا كانت هادية جدًا وخصوصا أننا لما نعرف بعض بقالنا سنوات الموضوع بيبقى شوية مختلف، فيه كيميا بيننا، وبنسترجع ذكريات 18 سنة، وبنشوف اد ايه كان فيه فرق في تفكرينا، وبردو كبرنا ودا مخلينا نتخطى حاجات صغيرة ممكن توقفنا.

وتابعت علا غانم، وبقى عندنا استيعاب أكبر بكتير، وفي التصوير بنسى أن بشرى منتجة، وساعات كنا بنختلف في الآراء على الواتساب بعد ما العمل خلص، وبسمة دايما اللي بتهدي الجو.

اقرأ أيضًا.. 

عفاف مصطفى تعليقًا على الوضع في فلسطين: منتهى الظلم والهمجية 

عفاف مصطفى تكشف عن تفاصيل شخصيتها في مسلسل حدوته منسية

وعن تقديمها دور الأم قالت: بيفرق معايا اعمل دور أم لأولاد كبار، وزمان جدا جالي مسلسل كان المفروض أكون فيه أم لبنت، وللأسف ملعبتش الدور لأنها كانت كبيرة أوي، أنا معنديش تحفظات أني أعمل أم لكن عايزة اعمل أم اد بناتي، الجزء التاني من فيلم أولاد حريم كريم أحلى من الأول، لأن عندنا مواضيع أشمل وأقوى.