بعد الإعلان عن طرح أغنيته الجديدة.. حسن شاكوش: الحزن في القلب

أعلن مطرب المهرجانات الشعبية حسن شاكوش منذ قليل طرح أغنيته الجديدة أصحاب ملاعين وذلك عبر حسابه الرسمي بموقع تبادل الصور والفيديوهات انستجرام، كاشفا عن مقطع من الأغنية للإثارة والتشويق ما جعله يتعرض لهجوم مروع على السوشيال ميديا لعدم تناسب الأغنية مع الأوضاع الحالية التي تتعرض فيها أهالي غزة للقتل والإبادة الجماعية على يد الكيان الصهيوني.

تحيا مصر

حسن شاكوش: كنا موقفين شغل الفترة اللي فاتت بسبب أحداث غزة

وخرج حسن شاكوش في لايف عبر حسابه الرسمي بموقع تبادل الصور الفيديوهات انستجرام ليوضح موقفه للجمهور فقال: كنا موقفين الفترة اللي فاتت بسبب أحداث غزة، وقولنا مينفعش نشتغل وأخواتنا بيموتوا وننزل أغاني ميصحش، بقالنا كتير جدًا مابنزلش، ولما عملت دعاية لأغنية صحاب ملاعين حصل حوار فلسطين، ولقينا الموضوع بيطول وبيتحول من سيئ لأسوأ، فقررنا تأجيلها، ولكن هنزلها كمان كام يوم وهتبقى أغنية زي وداع يا دنيا وداع وشمس المجرة.

وتابع حديثه قائلا: الحزن في القلب وقلبنا معاهم والواحد عمل على قد ما يقدر وغصب عننا ملتزم بعقود وملتزم بشغل، وأنا مسجل عند ساسو كتير، وكنت محضر شغل لـ أخواتنا اللي بيحبونا.

حسن شاكوش: الشغلانة دي عايزة 24 ساعة تفكير مينفعش النوم فيها

واستكمل حديثه، قائلا: أنا كنت موقف شغلي شهرين أو تلات شهور عشان أخواتنا في فلسطين والواحد لو في أيده كان يعمل أي حاجة كنا هنعمل مش هنتأخر ووقفنا شغلنا شوية بس الشغلانة بتاعتنا ديه اللي ينام فيها شهر وميبقاش موجود الموضوع بيبقى صعب، والشغلانة دي مش عايزة النوم عايز 24 ساعة تفكر وتعمل، لو قعدت في البيت مش هلاقي أكل وأنتوا عارفين الدنيا عاملة ازاي والغلا والله يكون في عون ناس كتير يعني.

حسن شاكوش: لا أعترف بأي مسميات أخرى سوى فلسطين

حسن شاكوش عن طليقته ريم طارق: عندها هوس شهرة.. واستلمت منقولاتها الشخصية بالتراضي

حسن شاكوش: محدش قالي أوقف شغل ومينفعش أشوف اخواتي بيموتوا واشتغل

واختتم حسن شاكوش حديثه: محدش قالي أوقف شغل، لكن ذوقيا مني مينفعش أشوف اخواتي بيموتوا في فلسطين وبقالي 3 شهورمشتغلش بسبب أخواتنا في فلسطين، ولو هتلاحظوا المواعيد اللي كنت ملتزم بيها والحفلات ومنزلتش منهم ستوري من حفلة على انستجرام ومبنزلش حتى الدعاية بتاعت الأماكن بس الفترة الجاية فيه شغل إن شاء الله كتير في إسكندرية.. إسكندرية ديه مش بلد ده شعب، وعندي كذا حفلة في أوروبا في فرنسا وهولندا ولندن لسه التواريخ ما اتحطتش وعندي في أمريكا.