عمرو وهبة بعد عرض آخر حلقات مسلسل صوت وصورة: ربنا يكرم في اللي جاي

وجه الفنان المصري عمرو وهبة رسالة شكر لمهنئيه على مسلسل صوت وصورة بعد عرض آخر حلقاته عبر منصة watch it.

تحيا مصر

عمرو وهبة يوجه رسالة لصناع مسلسل صوت وصورة 

ونشر عمرو وهبه عدة صور تجمعه بفريق العمل على صفحته الرسمية بموقع التواصل الاجتماعى فيس بوك، وعلق قائلًا: الحمد لله، شكراً لكل حد كلمنى أو بعتلى رسالة أو كتب كومنت حلو وآسف إنى مش بعرف أرد على واحد واحد، هتوحشونى كلكو كرو وكاست ومشاهدين وربنا يكرم فى اللى جاى.

لقاء عمرو وهبة في Gossips

من جانبه، قال عمرو وهبة خلال لقائه مع gossips: أنا مع مثل خدوهم بالصوت لأن الناس أما بتشوفك ذوق بتظيط، والصوت اللي جوايا دايمًا بيقولي اجتهد ومتضمنش النجاح، وشايف إني لو شوفت حد مظلوم قدامي هنصر الحق وهتكلم عن المشكلة على السوشيال ميديا ومش هطرمخ على المشكلة حتى لو صحبها عايز يطرمخ عليها بسبب أنه خايف أو غيره.

وتابع عمرو وهبة، بتعصب شوية أو اتعامل مع ولادي على إنه كبار لم بتعامل معاه بإنه مش حاسس بقيمة الحاجة برجع وبقول ده الوقت اللي المفروض يضيع فيه.

وأضاف، أنا عندي حالة تنحيس الناس سخنة اليومين دول لو الخبر صح بتشتم لو غلطت بتشتم وفي نوع من أنواع الصحافة بتقطع كل حاجة عشان كدة مش بطلع أرد على أي حاجة الا إذا حد من أهلي وأسرتي هيضطر.

تصريحات عمرو وهبة 

واستطرد عمرو وهبة، لو هطلع تريند أحب يكون ليه علاقة بشغلي، أحب اطلع تريند بحاجة ليها بشغلي أو مشهد أو دور عملته مخالف لتوقعات الجمهور ومعتقدش ان حد طلع تريند وكان متعمد ده.

اقرأ أيضًا.. 

أميرة بدر عن البرامج النسائية: المجال بقى فيه شهوة للشهرة مرعبة.. ومش كل اللي بيتقال في التلفزيون صح 

أميرة بدر تحتفل بزفاف شقيقتها: أجمل عروسة اتجوزت أجمل راجل

وأردف، عندي مرحلة في حياتي ليها علاقة بشخصيات نفسي تكون مش موجودة كأنها محصلتش اصلا، أنا فقدت الإيمان بالبشرية كل الناس وحشة لحد ما يثبت العكس، وكنت قافل الباب تمام وفكرة انه فيه بني أدمين كويسة كانت منعدمة، وبدأ الموضوع يبقى تمام معايا أما دخل حياتي أشخاص كويسين ولاكن لسة عندي شك وعدم ثقة في الناس.