اليوم.. عمر خيرت يحيي حفلًا موسيقيًا بدار الأوبرا

يستعد الموسيقار عمر خير لإحياء حفل موسيقي، اليوم الإثنين الموافق 11 ديسمبر، وذلك على خشبة المسرح الكبير بدار الأوبرا في الثامنة مساءً بقيادة المايسترو ناير ناجي.

تحيا مصر

تصريحات عمر خيرت 

على الصعيد الآخر، قال عمر خير خلال لقائه حواره مع الإعلامية أميرة العادلي على قناة الحياة عن مشروع الموسيقى الخالصة: "الحمد لله إن مشروع الموسيقى الخالصة نجح.. ده كان هدفي ووصل للنور بالنسبة للناس.. ده الاتجاه اللي اخدته على عاتقي، كان في ناس مستغربة لأننا شعوب بتهتم بالكلمات مع الأغنية.. وده مش غلط.. الموسيقى الخالصة قالب من القوالب الموسيقية كنا نفتقر إليه لأن الاهتمام كان بالغناء.. الموسيقى الخالصة بتخاطبك وجدان البشر وبتسيب الإنسان لوحده يتخيل ما يحب أن يتخيله.. ما بتحددوش بكلمة".

وتابع عمر خيرت، أي حفلة ببقى حامل الهم وده اللي بيخلي الفنان ينجح إنه يبقى عامل حساب للمستمعين والمشاهدين وإن دايما يبقى عند حسن ظنهم.. مبتكلمش كتير قبل الحفلات وبدعي ربنا طبعا إن الحفلة تعدي على خير، وتفاعل الجمهور حاجة تفرح.. أي فنان بيسعد بلقاء الجمهور وتقبلهم للموسيقى بتاعته، لأنه ده بيظهر قد ايه المشروع نجح.

واستطرد، مدينة العلمين الجديدة مشروع كبير ومفرح من المشاريع التي أقيمت في الفترة الأخيرة، سواء من ناحية الفكرة أو المكان أو المباني الراقية، أو الخيال الذي يمكن أن يخرج من المكان.

واستكمل عمر خيرت، لأول مرة أقدم حفلة ساعة الغروب وبدون بدلة، وأعجبتني البساطة وحالة الحب بين الناس عندما تتكلم الموسيقى.

اقرأ أيضًا.. 

إلهام شاهين عن مسلسلها الفريدو: ايه المشكلة أنه يكون عن قصة حب بين واحدة كبيرة وشاب 

إلهام شاهين عن مهاجمي أعمالها: بيعملوا دعايا جامدة جدًا للمسلسل

وأضاف: بعض المقطوعات التي يطلبها الجمهور في حفلاتي، سواء في الأوبرا أو مهرجان القلعة أو أي مكان آخر، عمرها 40 سنة، وأكثر المقطوعات التي يطلبها الجمهور قضية عم أحمد، زي الهوى، ليلة القبض على فاطمة، خلي بالك من عقلك، إلى جانب المقطوعات الجديدة.

واختتم الموسيقار عمر خيرت حديثه قائلًا: الموسيقى المصرية هتروح إذا مفيش حد عمل موسيقى أكاديمية مظبوطة بالتوازي مع الأشكال الموسيقية الجديدة مثل الراب والمهرجانات، وده موجود في العالم كله، الراب موجود والروك، والكلاسيك والأوبرا والأغاني القديمة عايشة لغاية دلوقتي.