عمرو عبد العزيز لفنانة: لو اهتميتي بشغلك ربع اهتمامك بفستانك الأوفر هتوصلي

وجه الفنان عمرو عبد العزيز رسالة لإحدى الفنانات دون أن يذكر اسمها، منتقدًا طريقة لبسها المبالغ فيه، واستغلاله في الشهرة، وذلك خلال منشور عبر حسابه الشخصي على موقع التواصل الاجتماعي فيسبوك.

تحيا مصر

رسالة عمرو عبد العزيز لإحدى الفنانات

وكتب عمرو عبد العزيز: نصيحة أخوية، يا حبيبة قلبي والله العظيم شغلك هو اللي بيتكلم عنك مش فستانك المفتوح لحد لوزك، للأسف أنتي فاكرة أنك كده جامدة خالص والله العظيم هما لو اتكلموا هيتكلموا عن فستانك الأوفر مش عليكي.

وتابع: الدليل أن أكبر نجمات مصر زي منى زكي وياسمين عبد العزيز وهبة مجدي وغيرهم كتير بيروحوا بفستانين سواريه حلوة وشيك ومقفوله عااادي جدا.

تصل إلى 2500 جنيه.. أسعار تذاكر حفل آمال ماهر في الشيخ زايد

محمد سلام يكشف حقيقة صورة متداولة لابنته: بلاش تنشروها تاني

عمرو عبد العزيز ينتقد إحدى الفنانات

واستطرد: بس أنتي بعد  ما تقفي ع الريد كاربت وتتصورى بكذا شكل ومن كل الزوايا عشان تستعرضي الفستان العريان قوى الأوفر قوى ويصوروكي عشان يتكلموا بعد كده مش بيقولوا مين الفنانة دي..لا بيقولوا مين الرخيصة دي.

واختتم: نصيحة أخوية، لما تروحى مهرجان وانتي مش معروفه أصلا لو اهتميتي بشغلك ربع ما بتهتمي بفستانك الأوفر صدقينى هتوصلى وهيتكلموا عنك بشياكة.

إشادة عمرو عبد العزيز بفيلم تاج

وسبق وأن حرص الفنان عمرو عبد العزيز على إبداء رأيه في فيلم تاج، الذي تم عرضه في السينمات ضمن موسم عيد الأضحى المبارك، وذلك من خلال منشور عبر حسابه الشخصي على موقع التواصل الاجتماعي فيسبوك.

وكتب عمرو عبد العزيز: مش بحب أقول رأيي في فيلم غير لما أشوفه بنفسي وأقول وجهة نظري.. امبارح اتفرجت على فيلم تاج للميجا ستار تامر حسني الفيلم في إطار فانتازيا كوميدي.. الفيلم والله عجبني وعجب الناس اللي كانوا في السنيما بصراحة أنا ضحكت واللي كانوا في السنيما كانوا بيضحكوا.. وعجبنى جدا مستوى الجرافيك اللي معمول فيه بصراحة.

وتابع: وفي الأخر لولا اختلاف الأذواق لبارت السلعة.. الفيلم هيعجب ناس ومش هيعجب ناس ده طبيعي جدا بس ياريت حتى الناس اللي مش عاجبها الفيلم يقولوا نقدهم بشكل محترم بدون تجريح في حد لأن في مجهود مبذول في الفيلم وناس تعبت وشقيت عشان الفيلم يخرج للنور.