عاجل
الأحد 21 أبريل 2024 الموافق 12 شوال 1445
رئيس التحرير
عمرو الديب

يسرا: رفضت اشتغل مع يوسف شاهين عشان يكرهني.. وميزة إيناس الدغيدي أنها جريئة

يسرا
يسرا

تحدثت الفنانة يسرا عن أبرز محطاتها الفنية على مدار مشوارها الفني، وذلك خلال جلسة نقاشية أقيمت لها على هامش فعاليات مهرجان الجونة السينمائي، وكانت تدير الجلسة المخرجة ماريان خوري.

تحيا مصر

تصريحات يسرا في ندوتها

وقالت يسرا: عندي محطات فنية مهمة كتير مع مخرجين وكتاب وأساتذة سابوا في كل حتة فيا بصمة، بدليل أن النهاردة لو بقيت نجمة كويسة أو بقى عندي أرض واقفة عليها دا من الناس اللي اتعاملت معاهم، أنا متعلمتش لوحدي، أنا معرفتش كل حاجة لوحدي أنا ممارستي مع الأساتذة اللي اشتغلت معاهم علمتني حاجات كتير.

وعن تعاونها مع السيناريست وحيد حامد والمخرج يوسف شاهين، قالت: أستاذ وحيد حامد أول مرة اشتغلت معاه في فيلم أرزاق يا دنيا، وكنت بروح أفضفض معاه في حاجات كتير والاقيه هو اللي بيحلهالي، وأول مرة قابلت فيها يوسف شاهين قولتله مش هعرف اشتغل معاك.

يسرا: رفضت اشتغل مع يوسف شاهين عشان يكرهني

وتابعت: وكنت داخلة شعري أصفر ورفيعة وطويلة قالي أنتي مالك طويلة كدا ليه وقالي شعرك يبقى أسود، قولتله هبقى وحشة قالي هو كدا، وقريت السيناريو مفهمتوش بعد 10 مرات، واعتذرت عن الدور عشان يكرهني، وبعد 3 أشهر لقيته بيصحيني دخل أوضة نومي وبيصحيني، واترعبت وقولتله حاضر.

وبسؤالها عن المخرجة إيناس الدغيدي، قالت يسرا: أنا وإيناس الدغيدي ابتدينا أول فيلم سوا كان اسمه قصر في الهوى ومن ساعتها احنا أصحاب واخوات وأهل، وأول فيلم شوفته ليها كان عفوا أيها القانون وكان من أجمل أفلامها، وإيناس ميزتها جرأتها ولما عملنا دانتيل أنا بشوفه من أحلى أفلامي.

يسرا عن مهرجان الجونة: سعيدة بعودته ومتحمسة للدورة

وسبق وأن أعربت الفنانة يسرا عن سعادتها بعودة مهرجان الجونة السينمائي الدولي والذي من المقرر إقامته في الفترة بين 14 حتى 21 من شهر ديسمبر الجاري، متمنية النجاح لكل القائمين بالعمل.

وكتبت يسرا عبر حسابها الرسمي بموقع التدوينات القصيرة “توتير”: سعيدة بعودة مهرجان كبير زي مهرجان الجونة اللي بفتخر بوجودي فيه كل سنة، الدورة السادسة السنة دي مميزة عشان بتقدم أفلام رائعة من أنحاء العالم.. متحمسة للدورة دي وأتمنى النجاح والتوفيق لكل القائمين على المهرجان العظيم ده.

تابع موقع تحيا مصر علي