عاجل
الأربعاء 17 أبريل 2024 الموافق 08 شوال 1445
رئيس التحرير
عمرو الديب

أول رد من هيدي كرم على فستانها الجرئ بمهرجان الجونة السينمائي: في بطانة

تحيا مصر

خرجت الفنانة المصرية هيدي كرم، لترد على انتقادات إطلالتها الجريئة في الدورة السادسة لمهرجان الجونة السينمائي.

تحيا مصر 

هيدي كرم ترد على منتقدي فستانها

وقالت هيدي كرم: الفستان مفيهوش حاجة خالص وفي بطانة عادي زي ما فيه كتير فساتين فيها بطانة بس شفافة.

 هيدي كرم تستنكر مهاجميها

وتابعت هيدي كرم، مش عارفة فين الجرأة في الفستان ده وليه الناس توقعت أن الفستان  من غير بطانه شفافة، من أين لكم هذا؟، ومفيش إنسان عاقل أوست عاقلة هتحتضر مهرجان أو هتنزل الشارع أصلًا في أي موقف أو أى ظرف بالشكل اللى في خيال الناس، وأنا التزمت بالفستان وباللون الأسود.

تصريحات هيدي كرم 

من جانبه، قالت هيدي كرم في مقطع فيديو نشرته عبر حسابها الرسمي  بموقع تبادل الصور والفيديوهات القصيرة إنستجرام: إحنا اتهرينا والله كمشاهير، بتكلم بصراحة بالنيابة عن مشاهير وخاصة ستات زي، اتهرينا من الشتيمة والتهزيق وقلة القيمة والإرهاب على السوشيال ميديا وإنكم بتحسسونا إننا منسواش.. واتهرينا من إننا نتشتم ونتهان ونتهزق بجد والله حقيقي ده كتير، هو مفيش من الأحمر ده مفيش شوية دم وإحساس.

اقرأ أيضًا.. 

حنان شومان: أسوء حاجة بتحصل لوجه شاب أنه يتحمل بطولة عمل 

وتابعت، اللي بيشتمونا على السوشيال ميديا وإحنا طالعين وإحنا نازلين وإحنا بنحاول نعمل محتوى لذيذ وفيديوهات لذيذة وإحنا بنحاول نعمل طاقة إيجابية لإني بذاكر السوشيال ميديا علشان أشوف إيه اللي نافع لقيت مفيش حاجة نافعة لابسين لابسين ومتهزقين ووحشين ووحشين ومشتومين.

وأضافت، صدقوني الناس اللي بتشتمنا لو شتمناهم نفس الشتيمة هينتحروا تاني يوم، إحنا عندنا جهاز عصبي قوي جدا لإننا مستحلمين ومنحسين ومش بنرد، ولكن صدقوني لو اللي بيشتمونا اتشتموا نفس الشتايم واتهانوا نفس الإهانة والله العظيم هتقطعوا شرايينكم من حجم الاضطهاد والإهانة والمهانة ولكن إحنا مش هنعمل كده لإننا محترمين ومؤدبين وحساسين وبنقدر مشاعر الآخرين اللي هي مش عندكم خالص.

واختتمت هيدي كرم حديثها قائلة: كده كتير شوفوا لكم لعبة تانية لإن كرامتنا مش لعبة في إيدكم وبالراحة علينا كل واحد عنده مشاكل ومآسي وناس فقدها وأزمات في شغله وأزمات عائلية واجتماعية وعاطفية وصحية وأرجو ورجاء محبة تخفوا على بعض شوية مفيش بيننا وبينكم طار ونجحنا مش معناه فشلكم وممكن كل الناس تنجح، وأرجوكم بالراحة على أخواتكم الفنانين المبعدين الطيبين الحلوين اللي بيعملوا لكم حاجات حلوة.

تابع موقع تحيا مصر علي