زوجة تطلب الطلاق: هخلعه لو مطلقنيش كفاية ضرب وإهانة

زوجة تبلغ من العمر خمسة والثلاثين عام من داخل محكمة الأسرة قامت برفع دعوى طلاق على زوجها في منطقة كيت كات التابعة لمحافظة الجيزة بسبب التعدي عليها بالضرب والأهانه وعدم قيامه بدفع مصروفات المنزل لهم.

طردني في نص الليل.. تهاني لـ تحيا مصر: بيضربني قدام بناتي اللي على وش جواز

بيجيب ستات في الشقة.. وفاء تطلب الخلع: بيضربني ويخوني ومش عارفة اتكلم

15 طربة حشيش.. المشدد ٣ سنوات لسائق لاتهامه بتجارة المخدرات في الجيزة

معاملته وحشة.. زوجة تطلب الخلع: مش عايز يصرف علينا واتغير بعد الجواز

تعبت من كتر الضرب والأهانة كل شوية وعايزة اطلق

بداية الحديث أمام محكمة الأسرة، حيث جلست زوجة تبلغ  من العمر 35 عاما تنتظر موعد جلستها وتحدثت وقالت في حديثها لـ تحيا مصر بداية جوازنا كنا عايشين كويسين ومفيش أي خلافات زوجية بيني وبينه ولما خلفت بنتي فجأة الخناقات بقت زي الأكل بيني وبينه، وكل شوية مشاكل ومش عايز يصرف علينا لحد ما بقيت مش عارفه أعمل ايه وكمان هو بيتلكك على أقل حاجة وكل شوية ضرب وخناقات وعايز يتجوز عليا واحدة تالتة غير اللي هو متجوزها عليا علشان يخلف الولد انا تعبت أوي وكرهت نفسي أنا معايا بنت واحدة تبلغ من العمر 18 عام وخايفه على مستقبلها.

زوجة: كرهت نفسي والجواز بسبب زوجي ومعاملته ليا

زوجة تحكي بإنهيار وحزن: أنا خرجت اشتغل علشان أصرف عليا وعلى بنتي أعمل أيه بنتي في ثانوي وهو رافض يصرف علينا وبيدور على جواز تاني علشان يخاف الولد ميعرفش أن دي حاجة بتاعت ربنا منه لله بجد أنا تعبت ومش عارفة أعمل ايه كل شوية خناقات وضرب وإهانه وأما اقوله عايزة فلوس يقولي مش معايه طب ازاي عايز تتجوز تاني وانت مش معاك أصرف علينا طيب حسبي الله ونعم الوكيل وأفوض أمري إلى الله.

زوجة: كل ما اقوله عايزة مصاريف مدرسة لبنتك يقولي مش معايا

واستكملت الزوجة في قصتها وانهت حديثها: رفعت قضية طلاق ولو مطلقنيش هخلعه لاني تعبت منه بجد ومش عارفه اعمل ايه بدعي ربنا اخلص منه وهعيش واشتغل وربي بنتي واصرف عليها وخليها مش محتاجه لحد علشان هي شافت كتير وانا خايفه على مستقبلها هو لو أب صالح كان طبطب على بنته احسن من بهدله الناس لينا بس هو للأسف ميصلحش لأي حاجة حسبي الله ونعم الوكيل