عاجل
الجمعة 19 أبريل 2024 الموافق 10 شوال 1445
رئيس التحرير
عمرو الديب

كنت غبي لما اتجوزت متاخر وأجلت الإنجاب بسبب مرضي.. أبرز تصريحات خالد الصاوي

خالد الصاوي
خالد الصاوي

فجر الفنان المصري خالد الصاوي، عدة تصريحات يرصدها تحيا مصر، حول  سبب تأخره في الزواج وعدم الإنجاب، وذلك خلال حلوله ضيف على برنامج كلمة أخيرة الذي تقدمه الإعلامية لميس الحديدي.

خالد الصاوي يندم على قرارته الشخصية

وقال خالد الصاوي : أنا اتجوزت متأخر وأنا عندي 48 سنة، كنت غبي ومغرور وكنت محوش ومستخسر نفسي، وكان لازم أتجوز مراتي من بدري وهي مالهاش مثيل، ومن أخطائي إني تأخرت في التفكير في الإنجاب، وكنت خايف فيروس C اللي عندي ينتقل لـ الأولاد لو خلفت.

خالد الصاوي 

وتابع خالد الصاوي، معركتي مع الوقت كنت غبي أوي فيها، خسرت وقت كتير جدًا ونقطة الغباء اللي عندي عايز أقولها علشان أبقى مفيد، تخيلوا اللي عنده 40 سنة أصغر مني، وبقول للشباب خلوا بالكم علشان الصحة والفلوس، والوقت حاجات مش مطلقة، وهتبقى طول الوقت موجودة، والملذات هي الفخ ومتخليش الفخ ده يطير عمرك وصحتك وأحلامك، حاول تفرمل بدري.

تفاصيل أزمة خالد الصاوي الصحية 

واستطرد، أنا كنت مريض بفيروس سي، وبعد ما دفعت دم قلبي في تكاليف العلاج بالخارج في الآخر تعالجت في بلدي، وأشكر وزارة الصحة المصرية وأطباء بلدي، والمشروع العظيم الذي قامت به الحكومة المصرية لعلاج مرضى فيروس سي، والتجربة أثبتت إن الأمراض المتوطنة يجب علاجها في بلدها.

خالد الصاوي 

تصريحات خالد الصاوي مع لميس الحديدي 

واستكمل خالد الصاوي حديثه قائلًا: تجربة المرض كانت مهينة في أولها وانتهت بالإيمان، لإني كنت مغرورا جدا وشايف نفسي إن صحتي تمام وقوي ومستقل برأيي، ودخول التجربة يخلي الواحد يحترم نفسه ويؤمن بربنا والقضاء والقدر والرضا، ويبدأ في إصلاح علاقته بالكون.

وكان قال خالد الصاوي في مساء dmc: أنا هخلي بالي من صحتي، ولو تعبت هبقى تعبت عشان بشتغل، مش عشان أي حاجة تانية، وأنا مش هعمل حاجة تخليني أجي على صحتي لأسباب خارجة عن الشغل أو القدر، وبعمل تغييرات في حياتي إن شاء الله هتبان، بتمرن وبنام كويس.

وتابع، وأحيانا لما بتعمل تغييرات كبيرة زي تقلل القهوة مثلا مع سجاير أقل أملا في أنك تبطلها خالص، نومك هيضرب.. وأنا انتبهت للحتة دي، وممكن أسهر وأتعب في الشغل، لكن مش برا الشغل، وبتمرن عشان مش عايز أعجز.

هذا وأوضح خالد الصاوي خلال لقائه في برنامج the insider: معتقدش أني ممرتش بأزمة منتصف العمر، أنا سني 59 على الورق بس من جوايا عندي 16 سنة وبتخض كل ما ابص في المرآية وألقي دقني بيضا.

 

وتابع، معرفش أنا عديت بمنتصف العمر لأن أنا طول عمري عندي الجنان الشخصي وانا فاهمها في حالة طارق عشان بيدور الشخصية عليه.

ولفت قائلًا، طارق لطفي عاقل جدًا  وتقدري تشوفي تطور الراجل سنة بعد سنة  من خلاله وهو عامل الشخصية كويس  جدًا.

تابع موقع تحيا مصر علي