بقوا بيست فريند من الدرجة الأولى.. صحوبية فخر العرب ونمبر وان تظهر على الشاشات

ايه اللي جاب القلعة جمب البحر وجمع الفن بالكورة.. بهذه الطريقة استقبل الجمهور صورة اللاعب العالمي محمد صلاح مع الفنان محمد رمضان بعد ما شاركها الأخير في لقاء دعم خلاله صديقه قبل مواجهة الموزمبيق.

محمد رمضان يتحدث عن صداقته بالفرعون محمد صلاح

وقال محمد رضان في آخر لقاء له والذي رصده تحيا مصر: محمد صلاح صاحبي وحبيبي جدًا ومن الناس القريبة لقلبي وصحيت منه على رسالة بيقولي إن شاء الله تكسر الدنيا في الافتتاح.

صداقة محمد رمضان ومحمد صلاح 

وصداقة محمد رمضان ومحمد صلاح وصلت أن نمبر وان تحمس لتقديم قصة كفاحه، قائلًا: يشرفني طبعًا أقدم قصة محمد صلاح دي قصة ملهمة لكل الشباب وقصة عظيمة فيها معاناة وازاي قدر يقاوم وينسى الهجوم اللي عليه وأول سجدة نشوفها في الملاعب الأوروبية، وأنا لو عملت الفيلم ده هكون ساجد في البوستر بتاعه.

وأضاف، أكيد هحضر ماتش بكرا وقابلت الفريق بقيادة كابتن محمد صلاح صاحبي وأخويا وبنتكلم على طول، وأنا شميت ريحة نجاح وألفة وحابين بعض جدًا، وفي صدفة متفائل بيها جدًا رقم السويت عندي 1124 ورقم تي شيرت كابتن مصر، وإن شاء الله نرجع من تاني.

واستكمل، أنا حاسس أن السنة دي إن شاء الله البطولة بتاعتنا، وأنا كنت بتكلم أن المدير الفني يفك وجهة النظر دي أن 90% من البطولات اللي أخدناها كانت بمدرب مصري، وإن شاء الله نفك النحس السنة دي ونمشي كابتن أجنبي مبسوط من عندنا.

هتف باسم مانديلا وظهر عاري الصدر.. لقطات من مشاركة محمد رمضان في افتتاح أمم إفريقيا

محمد رمضان: فخور بتمثيل مصر في حفل افتتاح كأس الأمم ومتفائل بالمنتخب

وأردف: قولت للاعبي المنتخب لو في كل لحظة افتكرتوا في الـ فوق 100 مليون مواطن أننا نقدر نسعدهم ده يديهم طاقة فوق طاقتهم، وده أنا قولته وأنا قاعد مع محمد صلاح وكهربا، قولته لما شخص بيجري وقدامه أتوبيس سرعته بتتضاعف، ولو بيجري وراه كلب سرعته بتتضاعف، لو حطينا الاتنين قدامنا أننا عايزين ناخد البطولة وناس مش عايزة ده، ومنشمتش فينا حد أن مش عايزين مصر تعلى.

آخر أعمال محمد رمضان 

من جانبه، كانت آخر أعمال محمد رمضان مسلسل جعفر العمدة من بطولة محمد رمضان، هالة صدقي، زينة، مي كساب، منة فضالي، أحمد داش، أحمد عبد الله، منذر ريحانة، طارق النهري، عصام السقا، دعاء حكم، سلوى عثمان، مجدي بدر، وغيرهم من الفنانين، وذلك بجانب ظهور خاص للفنان بيومي فؤاد الذي ظهر بشخصية والد الفنانة زينة، والمسلسل من تأليف وإخراج محمد سامي.