نور النبوي: رفضت فيلم الحريفة في البداية.. ومخدتش رأي والدي

أكد الفنان الشاب نور النبوي على عدم توقعه لنجاح فيلم الحريفة بهذا القدر، وذلك خلال لقاء له ببرنامج الراديو بيضحك مع الإعلامية فاطمة مصطفى، عبر محطة الراديو 9090.

نور النبوي: متوقعتش نجاح فيلم الحريفة

وقال نور النبوي في تصريحاته التي يرصد تفاصيلها موقع تحيا مصر: مكنتش اتوقع نجاح فيلم الحريفة ولكن كنت مؤمن أن الاسكريبت دا فيه حاجة ملهمة وتخلي الناس تتأثر، وكنت بحلم اعمل فيلم بطولتي يجيب إيرادات والناس تحب تخشه، بس متوقعتش أنه يكون فيلم الحريفة، وأنا بحب المغامرة واعمل حاجة أنا مؤمن بيها، وتخيلتش لو الفيلم دا مجابش فلوس أنا هعمل ايه، وكان رعب بالنسبالي لو حصل.

وتابع: أستاذ طارق الجنايني هو اللي رشحني للفيلم، وأول ما قالي عايزك في دور بطولة رفضت وكنت خايف ومرعوبة وقعدت مدة أفكر كتير بس عجبني الاسكريبت وفكرة الجيل الجديد، وأنا لما جالي الفيلم شوفت الناقلة بتاعت إسماعيلية رايح جاي، ومخدتش رأي والدي خالد النبوي في بداية اختياري للفيلم، وهو دايما بيقولي اعمل دور حلو.

نور النبوي النبوي يشكر المنتج طارق الجنايني 

وسبق وأن  وجه الفنان نور النبوي للمنتج طارق الجنايني و لجمهوره رسالة شكر على دعمه في أول بطولاته السينمائية فيلم الحريفة بعد تحقيقه لمليون جنيه في أول يومين عرض، ووصف ما حدث أنه حلم وتحقق.

وكتب نور النبوي عبر حسابه الرسمي بموقع تبادل الصور والفيديوهات انستجرام في منشور: "فيلم الحريفة مليون جنيه إيرادات في يومين بعد فضل ربنا الفضل يرجع للمنتج الكبير أستاذ طارق الجنايني على ثقته في شباب نفسهم يعملوا فيلم حلو ومؤثر".

وتابع نور النبوي حديثه، قائلا: "وبشكر الجمهور اللي صدق فينا، اللحظة دي كبيرة قوي في حياتي، حلم وبيتحقق".

نور النبوي: مش في دماغي مين أبويا.. وفيلم الحريفة كان اسمه كابتن ماجد

فيلم الحريفة بطولة نور النبوي يتصدر المركز الأول في قائمة الإيرادات

تصريحات نور خالد النبوي في جوسيبس

وعلى صعيد أخر، حل الفنان نور خالد النبوي ضيف على برنامج  Gossips المذاع على السوشيال ميديا والذي فجر خلال مجموعة تصريحات خاصة بحياته الفنية والمهنية والشخصية، والتي منها:

• أنا مش مرتبط وأحب شريكة حياتي تبقى حنينة لأني بحب الحنية أوي
• لو رجع بيا الزمن هتحمل كل حاجة زي ما هي بالظبط لأنها هي اللي وصلتني للي انا فيه دلوقتي وانا راضي.
• مبفوتش فرضة بتيجي قدامي وبكتب سيناريوهات أفلام قصيرة  لكنها مخرجتش للنور ومش بكتبها بهدف إنها تخرج للنور أن بتسلى.
• اشتغل عشان تبقى احلى نسخة من نفسك فتكر انت بتبعب ازاي دلوقتي عشان توصل للي انت فيها.
• الجواز علاقة حلوة أوي ومسؤولية وأنا  أما بتضايق بختفي .