ليلى عبد اللطيف عن ياسمين عبدالعزيز والعوضي: لو كنت أعرفهم كنت وقفت جنبهم ومطلقوش

علقت عالمة الفلك وخبيرة الأبراج اللبنانية ليلى عبد اللطيف، على تنبؤها بانفصال النجمة ياسمين عبد العزيز عن الفنان أحمد العوضي، وذلك في لقائها مع برنامج ET بالعربي.

ليلى عبد اللطيف تعلق على تنبؤها بطلاق ياسمين عبد العزيز والعوضي 

وقالت ليلى عبد اللطيف في تصريح رصده تحيا مصر: كذب المنجمون ولو صدقوا، أنا مش منجمة ولا ليا علاقة بعالم النجوم، أنا عندي إلهام وإحساس قوي لا أكثر ولا أقل، ولو كنت أعرف ياسمين عبد العزيز وأحمد العوضي كنت اتصلت بيهم وقولتلهم خلوا بالكم هيحصل حاجة وكنت وقفت جنبهم ومكنش يحصل طلاق.

وأضافت ليلى عبد اللطيف، بتمنى اجتمع بياسمين ولو سألتني على أي حاجة هجاوبها، أنا بتمنى ترجع لـ أحمد العوضي والشعب العربي كله بيحبهم وهما كأنهم روح واحدة، وأنا بصلي علشان يرجعوا لبعض وإن شاء الله ربنا يستجيب.

تصريحات أحمد العوضي في حبر سري

على الصعيد الآخر، قال أحمد العوضي خلال حلوله ضيف على برنامج حبر سري الذي تقدمه الإعلامية ياسمين عز: لو نزلت بفيلم أمام ياسمين هي اللي هتعمل أكبر ايرادات وأنا ابقى عايزها تعمل الايرادات أعلى مني وأعلى من أي حد وهي تعمل إيرادات كتير دي ياسمين عبد العزيز.

وتابع الفنان المتألق أحمد العوضي، شخصية الخديوي هي الأقرب لقلبي وأنا مش بقلق من المنافسة مع حد وأنا بعمل شغلي واجتهد ويا رب كلنا ننجح، واتمنى كل النجوم تعمل افلام ومسلسلات والمهم اطلع من الموسم ناجح وعملت الدور بشكل جيد.

وأضاف، أنا أول حاجة عملتها شعبي كان دور محسن الدسوقي في السبع وصايا في سنة 2014، وبعد كدة عملت شخصية أكمل في نصيبي وقسمتك، وبعد كدة عملت ظابط شوية، وبعد كدة عملت بروسلي في 2019، وعملت إرهابي، وبعدين عملت شعبي، وبعد كدة عملت صعيدي.

واستطرد، أقرب حاجة ليا من اللي قدمته الشعبي لإن الشعبي شبهي، والصعيدي بحبه جدا يعني أنا بحب الكوماندا جدا، والصعيدي أرهقني في تناول الدور، لكن الشعبي بالنسبة لي هو شبهي أكتر من الكوماندا.

ليلى عبد اللطيف تتنبأ بعودة تامر حسني وبسمة بوسيل: بيناسبوا بعض

بعد دخول أحمد العوضي المستشفى وزيارة ياسمين عبد العزيز له.. هل طلاقهما تريند ودعايا أم حقيقة؟

واستكمل أحمد العوضي حديثه قائلًا مع أسما، شخصية الخديوي هي الأقرب لقلبي وأنا مش بقلق من المنافسة مع حد وأنا بعمل شغلي واجتهد ويا رب كلنا ننجح، واتمنى كل النجوم تعمل افلام ومسلسلات والمهم اطلع من الموسم ناجح وعملت الدور بشكل جيد.