عاجل
السبت 02 مارس 2024 الموافق 21 شعبان 1445
رئيس التحرير
عمرو الديب

منى زكي تواصل تحقيق نجاح واسع بفيلم رحلة 404.. إيراداته فاقت الخمسة ملايين

فيلم رحلة 404
فيلم رحلة 404

يواصل فيلم رحلة 404 بطولة النجمة منى زكى في تحقيق نجاح واسع، حيث تخطت إيراداته حاجز الخمسة ملايين جنية، وهو ما يرصده تحيا مصر.

أبطال فيلم رحلة 404

يشارك في بطولة فيلم رحلة 404 منى زكي، محمد فراج، محمد ممدوح، خالد الصاوي، شيرين رضا، عارفة عبد الرسول، وغيرهم، والعمل من تأليف محمد رجاء، إنتاج محمد حفظي، وشاهيناز العقاد، وإخراج هاني خليفة.

بوستر فيلم رحلة 404

أحداث فيلم رحلة 404

وعن قصة فيلم رحلة  404 فأوضح أحد المشاهدين، رحلة 404.. باب التوبه عند ربنا مفتوح لكن عند بعض البشر مقفول .. فيلم رحلة 404 بيحكي عن غادة بنت في منتصف العمر غلطت كتير و ندمت اكتر و قررت تتوب و ترجع للطريق الصح، لكن شياطنها القدام لسه مكملين و مش مصدقين ان في حد ممكن يوصل لمرحلة غادة و يرجع ابدا بعد ما عرفت انها كسبت قرعة سفر للحج و ده اعلان يدي طمئنينة للنفس ان ربنا بيسامح.

مشهد من فيلم رحلة 404

وأضاف، بيظهرلها مجموعة عواقب و بتلاقي نفسها متكتفه تحت رحمة خدمة و محتاجها قبل السفر ..! بتبدأ تدور في جرابها مبتلقيش غير مجموعة محسوبين بني ادمين .. فيهم اللي عايز يغويها عشان ترجع و مش مصدق التوبه و منهم التايه في ملاكوتة و بين لحظة و التانية مستني معاد موت.

رأي الجمهور في فيلم رحلة 404

وتابع، بترجع اكتر  بعد ما تلعن صدفه جمعت بينها و بين اول جرح في مشوراها مع رحلة الشيطان .. بتلاقي نفسها بتصفي حسابها بس مش كله لانها فعلا تابت .. و قفلان الببان في وشها وسط زحمة اختبارات متقلش تقل عن محنتها .. بتقف مع نفسها و بتعرف ان باب توبه ربنا المفتوح متاح للكل لكن شروطة كتيرة و اهما الصدق و الصبر .  

وأردف، في رسالة واضحة ان كنتي روحتي في سكة الشيطان و بتعتبري نفسك ضحية مجتمع فا ارجعي بس استحملي تكفيرك عن سيئاتك .. بتقابل الشخص اللي في ايده الحل بعد ما كان قريب منها في يوم لقته واحد تاني متحول محتاج حد يسمعه.. بترجع مكسورة بتخبط ببان من تاني لحد ما الكل يقفل في وشها و الحل بقا في ايدها لوحدها.

واستكمل، مفيش اجمل من قرارها انا راجعه لربنا و هو اعلى و اعلم .. لحد هنا مش عايز احرقلك بشكل مباشر فيلم رحلة 404 يستحق المشاهدة لانه دراما حقيقة مستوحاه من واقع.

واستطرد، الفيلم ابدع في كتابته محمد رجاء واحسن اخراجة هاني خليفة وعن اداء الممثلين تقريبا ده افضل اختيار لكاست متكامل من زمان محمد فراج محمد ممدوح مقدمين مشاهد تتبروز، ده طبعا مع الفنانة الكبيرة منى ذكي.. تقيمي للفيلم النهائي 9/10.

تابع موقع تحيا مصر علي