هنا الزاهد عن أحمد فهمي: أي حد بيجيب سيرته بحط ايدي في عينه

علقت الفنانة المصرية هنا الزاهد على انفصالها عن الفنان أحمد فهمي، وذلك في تصريحات إذاعية.

هنا الزاهد تتحدث عن علاقتها بالفنان أحمد فهمي 

وقالت هنا الزاهد في تصريحات يرصدها تحيا مصر: مش لازم كل اتنين يبقوا مع بعض ويبقى فيه مشاكل، فيه ناس مش بيتوافقوا مع بعض وبيبقى في منتهى الشياكة والاحترام وكنا أصحاب في الأول وفيه بينا عشرة 5 سنين وهو شخص محترم جدًا، ومفيش أي ضغينة.

تصريحات هنا الزاهد 

وتابعت هنا الزاهد، ومش شايله هم أشوفه وشوفنا بعض في جوي اوردز وسلمنا على بعض وهو دلوقتي صديق وزميل في المهنة وده عشرة كبيرة، وأي حد بيجيب سيرة أي حد تبعه أو هو بحط إيدي في عينه.

وأضافت، الحياة مش بتقف، فيه حاجات بتضطري فيها تقولي لا خلاص النصيب لحد هنا، وده مش معناه إني وحشة أو هو وحش والحياة بتكمل، في الأول الحاجة صعبة جدًا عشان فيه عشرة والحياة مكملة ولازم تقفي والحمد لله أنا تمام وهو مبسوط جدًا وإحنا أصحاب.

واستطردت، فيه ناس بتبقى متضايقة، والحياة قصيرة جدًا لازم تشوفي حياتك، ولو عايزة أي حاجة هكلمه ولو هو عايز أي حاجة هيكلمني وإحنا أصحاب في الآخر.

على الصعيد الآخر، أعربت الناقدة الفنية دعاء حلمي عن إعجابها بأداء الفنانة هنا الزاهد وقالت في تصريح خاص لموقع تحيا مصر: هي ممثلة شاطرة وقبولها حلو أوي أوي أوي دمها خفيف وشغلها على السوشيال ميديا خادمها بشكل كبير البنت كويسة والكاميرا بتحبها ودا نادرًا لما بنلاقيه في الوجوه الجديدة وباربي كده في نفسها.

وتابعت، هي مناسبة للبطولة اللي هي زي الأعمال اللي بتقدمها بتكون أعمال خفيفة مبتديش حجم أكبر من حجمها ولا إنها تبقى نجمة فتنزل بقى من طيارة خاصة لا عايشة سنها.

وقالت هنا الزاهد عن سعادتها بردود أفعال الجمهور على مسلسل سيب وأنا أسيب  خلال مداخلة هاتفية لها ببرنامج كلاكيت مع الإعلامية لينا الطهطاوي.. من بداية المسلسل وكل حلقة بتكون أقوى وسعيدة بردود الأفعال خاصة على آخر حلقتين تم عرضهم.

مكون من 15 حلقة.. تفاصيل مسلسل هنا الزاهد في رمضان 2024

كان مرتبط بـ هنا الزاهد.. صندوق أسرار هشام جمال بعد إعلان خطوبته

وتابعت، صورنا العمل في شهرين بلبنان، وأعمل جاهدة على تقديم أعمال مختلفة كما أن ردود الأفعال فاقت توقعاتي، على الرغم من أنني توقعت منذ البداية أن يتسبب المسلسل في حالة لكن رد الفعل كان رهيبًا.

هنا الزاهد تتألق في مسلسل سيب وأنا اسيب

ويعد مسلسل سيب وأنا أسيب من بطولة هنا الزاهد وأحمد صلاح السعدني ومن تأليف رنا أبوالريش بمشاركة منة فوزي وإخراج وائل إحسان ويشارك في بطولته محمد جمعة، محمود البزاوي، عارفة عبدالرسول، أحمد سلطان، آية سماحة، ساندي، دنيا سامي، محمود السيسي، يارا جبران، كارلوس عازار، هنادي مهنا، وغيرهم.