عبير صبري: عشت دوري في فيم ليلة العيد في مرحلة من حياتي

حلت الفنانة المصرية عبير صبري ضيفة على برنامج كلمة أخيرة الذي تقدمه الإعلامية المتألقة لميس الحديدي عبر قناة Cbc الفضائية، وذلك بعد مشاركتها في فيلم ليلة العيد.

عبير صبري تتحدث عن دورها في فيلم ليلة العيد 

وقالت عبير صبري في تصريحات يرصدها تحيا مصر: عملت دور المنتقبة الجميلة في فيلم ليلة العيد، اللي جوزها أجبرها على النقاب لأنه شايف التليفزيون كفر وكل شيء عورة، وحياتها كلها بتتغير.

تصريحات عبير صبري عن فيلم ليلة العيد 

وتابعت، النماذج الموجودة في فيلم ليلة العيد مش حكر بس على الطبقة الشعبية، المشاكل الموجودة للستات موجودة في كل الطبقات والمستويات الثقافية والاجتماعية.

وأضافت، عشت دوري في فيلم ليلة العيد في مرحلة ما من فترات حياتي، وشُفت إن كل حاجة غلط وحرام بما فيها الحاجات البسيطة والعادية، أحيانًا اللي بيكون بيسكت الست مش قهر المرأة أو ضعفها أو تواطؤها لكن يبقى مخوِّفها إن ده كلام باسم الدين باسم ربنا، فالخوف والرغبة في التقرب من ربنا وتخويفها بالدين ويتحط لها حواجز بسبب الدين فهي بتصدق وتقول ما أعملش كدا علشان حرام، وفي النهاية احنا أحيانًا بيبقى عندنا خلط بين المتدين الحقيقي واللي بيستخدم الدين لتعويض نقص في شخصيته وتغطية ضعف عنده علشان يمارس دور قوي على شخص أضعف منه سواء كان رجل أو ست.

هذا وقالت خلال لقائها بموقع تحيا مصر في العرض الخاص لفيلم ليلة العيد: دوري زوجة ضعيفة جوزها بيمارس عليها العنف والقهر الزوجي بيضربها وبيعاملها بعنف وبقسوة وبيلبسها النقاب على أساس أنه الدين كدة لكن طبعا ده من وجهة نظره هو والدين بريء منه لأن الدين بيقول أنه يحترم ويحنو على زوجته ويتعامل مع المرأة بمنتهى الاحترام.

وتابعت، الجمهور يتحمل 100 فيلم في السنة بأفكار مختلفة، بأفلام نسائية أو أكشن أو أفلام استعراضية وعاطفية، طبيعي يبقى  فيه كل الحاجات دي والجمهور يستوعبه.. احنا في مصر.

قصة فيلم ليلة العيد 

وتدور قصة فيلم ليلة العيد في إطار درامي، يتناول العمل قضايا المرأة، من خلال معاناة عدة سيدات يعشن على جزيرة ما، وتتعرض السيدات لعدة مشاكل وأزمات بسبب عدم تفهم بعض الرجال لحقوقهن.

والعمل من بطولة يسرا، غادة عادل، ريهام عبد الغفور، عبير صبري، نجلاء بدر، هنادي مهنى وعدد آخر من النجوم.

جدير بالذكر أنه شاركت عبير صبري في السباق الرمضاني المنصرم بمسلسل جميلة، وتدور قصة مسلسل جميلة للنجمة ريهام حجاج فى إطار تشويقى واجتماعى، ويسلط الضوء على مشاكل. 

عبير صبري عن أحداث فلسطين: كل يوم أسوأ من اللي قبله.. والحياة بقت تسد النفس

عبير صبري: بجسد دور منقبة بتتعرض للعنف الزوجي في فيلم ليلة العيد

ومسلسل جميلة من بطولة الفنانة ريهام حجاج، سوسن بدر، عبير صبرى، يسرا اللوزى، أحمد وفيق، هانى عادل، هشام إسماعيل، نبيل عيسى، ياسر على ماهر، عبير منير، رحمة حسن، ريم سامى.