خاص| رانيا منصور عن مشاركتها في كليب موضوع رجوعنا: تامر حسني مخرج شاطر.. والكواليس كانت دمها خفيف

كشفت الفنانة رانيا منصور عن تفاصيل تعاونها مع النجم تامر حسني في فيديو كليب موضوع رجوعنا، الذي تم طرحه على يوتيوب منذ عدة أيام.

رانيا منصور: تامر حسني مخرج شاطر جدًا

وقالت رانيا منصور في تصريحات خاصة لموقع تحيا مصر: تامر كان بيحضر لتصوير الأغنية بتاعته، وكان محتاج حد يبقى معاه في الأغنية وفي نفس الوقت أنا وهو اتقابلنا وقولتله أني نفسي اشتغل معاه فقالي طب يالا تعالي نصور الأغنية دي مع بعض، وسمعني الأغنية وقالي فكرة الإخراج بتاعتها واتفقنا أننا هنصورها وطبعا كنت مبسوطة جدا.

وعن كواليس الكليب قالت رانيا منصور: الشغل مع تامر حسني كان لذيذ جدا وهو معروف عنه أنه دمه خفيف فالكواليس كان كلها ضحك وهزار ملهاش علاقة بالأغنية خالص أنها حزينة، وتامر حسني كمخرج شاطر جدا في أنه يبرز تفاصيل الحد اللي بيشتغل معاه في أحسن صورة.

تفاصيل أغنية موضوع رجوعنا

ومن الجدير بالذكر أن أغنية موضوع رجوعنا تم طرحها يوم 8 من شهر فبراير عبر القناة الرسمية للنجم تامر حسني على موقع الفيديوهات العالمي يوتيوب.

وجاءت أغنية موضوع رجوعنا من كلمات تامر حسين، ألحان مدين، توزيع وسام عبد المنعم، وتقول كلماتها: بتلومني ليه على إني عيشت وشوفت بعدك طب ما إنت برضو مشيت ومعملتش بوعدك بقى حلو ليك وبقيت عليا محرّمه هما اللي حبوا بعد فُرقه أجرموا إحساسي كنت مموته وملجمه وحرام تروحي من أحاسيس جه وقتها ملناش حقوق على بعض مش خلصت بقى ولا ليك تغير على حاجه يوم أهملتها القلب صعب يلاقي روحه ولو لقى يفضل متبت في الحياه ويحبها مبقاش في بينا ذكرى حب نخلده موضوع رجوعنا مستحيل إستبعده ولا أخلي قلبي حد يوم يستعبده ولا أخلي حد في يوم ينزل دمعتي.

تامر حسني يحتل المركز الأول على يوتيوب بأغنية موضوع رجوعنا

رامي جمال يشيد بأغنية موضوع رجوعنا لتامر حسني: أغنية خطيرة.. أبدعتوا

أخر أعمال رانيا منصور

ومن الجدير بالذكر أن أخر أعمال رانيا منصور فيلم السيستم الذي يعرض حاليا في دور العرض السينمائية، وتدور أحداثه حول قصة الشاب (وحيد)، الذي يعاني من الفشل في العلاقات العاطفية، وعدم قدرته على التعامل مع النساء، فيلجأ إلى صديقه (مصطفى) ليُساعده ويمده بالخبرة من واقع تجاربه العاطفية السابقة.