مي عمر: الناس بتبان حقيقتهم مع المواقف وجوزي أهم حاجة في حياتي

حلت الفنانة مي عمر ضيفة على أولى حلقات برنامج "ألبوم صور" مع إيناس سلامة الشواف عبر محطة راديو إنرجي 92.1 ضمن خريطة برامج رمضان 2024، وقالت مي عمر إنها لا تحب أن يتدخل الناس في حياتها الشخصية، وتحرص على الخصوصية بشكل كبير. 

مي عمر: بستخدم فلاتر في صوري بس بتبقى طبيعية 

وتحدثت مي عمر عن استخدامها للفلاتر في الصور في تصريحات رصدها موقع تحيا مصر، قائلة:" بستخدم فلاتر بس تكون طبيعية مش مبالغ فيها.. وبتضايق لما بلاقي الصورة بعيد عني مش شبهي.. وفي صور بحطها من غير فلتر لو متصورة بجودة كويسة". 

وأشارت مي عمر إلى أنها تحرص على تعديل المعلومات المغلوطة عن حياتها العملية، أما فيما يخص الانطباعات عنها أوضحت:"في حاجات مش بهتم أوي بالصح والناس هيعرفوا مع الوقت..مش كل الناس بتشوف الوش الحقيقي بتاعك لازم يقرب.. كل واحد بياخد الفكرة اللي في دماغه". 

مي عمر: لازم أقرب من الناس عشان أحكم عليها

وأكدت مي عمر على أنها لا تحكم على الأشخاص من الخارج، وتعودت منذ صغرها ألا تحكم بالظاهر، موضحة:"عشان أحكم على حد لازم أقرب منه وأعرفه". 

وتحدثت مي عمر عن المقربين لها قائلة إن معارفها مستمرين معها منذ سنوات إلى جانب عائلتها المقربة منها، موضحة:" في ناس بنكتشف حقيقتهم مع المواقف وبيفضل كويس طول ما هو عاوز مصلحة؟..المواقف الجامدة بتبين الناس على حقيقتها وهنا بتقدري تفلتري الناس ولا لا... اللي بيبقى مش كويس معاكي مرة بيغلط فيكي تاني وتالت ورابع لو سامحتي". 

مي عمر: محمد سامي اهم حاجة في حياتي 

ووصفت مي عمر زوجها المخرج محمد سامي بأنه: " أهم حاجة في حياتي باخد رأيه في كل حاجة وبيدعمني"، مشيرة إلى أنها شخصية قاسية مع نفسها وتنتقد نفسها بشكل كبير. 

وقالت مي عمر إنها واحدة من 4 شقيقات، يعشن معظمهم خارج مصر، وأنها تفتقد شعور قربهن وتواجدهن معها طوال الوقت. 

مي عمر: استعانت بمصحح لغة ومستشار قانوني لتجسيد دوري في نعمة الأفوكاتو

بصوت أصالة.. طرح أغنية الجوكر من مسلسل نعمة الأفوكاتو بطولة مي عمر

مي عمر في مسلسل نعمة الأفوكاتو

جدير بالذكر، أنه تنتظر الفنانة مي عمر في الفترة الحالية طرح مسلسل نعمة الأفوكاتو في تمام الساعة العاشرة من مساء اليوم الاثنين وذلك على شاشة قناة mbc مصر ومنصة شاهد الالكترونية، ويخوض بطولة العمل إلى جانبها كلا من الفنان أحمد زاهر والفنانة ملك أحمد زاهر وعدد من نجوم الفن الآخرين ومن المقرر أن يحقق العمل نجاحات كبيرة في فترة عرضه.