بسمة بوسيل عن ظهورها مع تامر حسني بعد الطلاق: مش بنمثل وولادنا ملهمش ذنب

تحدثت الفنانة بسمة بوسيل عن تكرار ظهورها مع طليقها الفنان تامر حسني رغم طلاقهما، وذلك خلال لقاء لها ببرنامج et بالعربي.

بسمة بوسيل عن ظهورها مع تامر حسني بعد الطلاق: مش بنمثل

وقالت بسمة بوسيل في تصريحاتها التي يرصدها موقع تحيا مصر: المناسبات وأول يوم في رمضان طبعا دا يوم كبير عندنا لازم نتجمع وولادنا يحسوا بالدفا عشان احنا حتى لو اتطلقنا احنا لسه بنحافظ على ولادنا لأنهم ملهمش ذنب في اختياراتنا، وأهم حاجة عندنا الصحة النفسية بتاعت ولادنا واحنا مش بنمثل، احنا فعلا اليوم دا كنا مبسوطين وعيلة متجمعة وعاملين أكل وبنشوف كل واحد عايز ايه، واحنا رغم الطلاق الحياة في البيت عند تامر زي البيت عندي، وأنا أروح زي ما أنا عايزة، وهو بيجي وقت ما هو عايز.

بسمة بوسيل: تامر حسني أب كويس وبيعشق ولاده

وتابعت بسمة بوسيل: ربنا كتب علينا دا بس مش عايزين نخلي ولادنا ضحية، أنا وتامر بنحاول دايما أننا نحافظ على أن في بينا حب لولادنا ولبعض ويكون في احترام لبعض، ودايما العيلة بالنسبالنا هي رقم واحد ودا مش تمثيل، وتامر سباق أكتر مني كمان فدي حاجة كويسة وبحس أني محظوظة بيه، وهو أب كويس وبيعشق ولاده.

وعدها يكون متحفظ مع المعجبات.. تعرف على شرط بسمة بوسيل للرجوع لتامر حسني بعد محاولات الصلح

بسمة بوسيل تكشف حقيقة رجوعها لـ تامر حسني

بسمة بوسيل تنفي رجوعها للفنان تامر حسني 

وسبق وأن خرجت الفنانة المغربية بسمة بوسيل لترد على أنباء عودتها لنجم الجيل الفنان تامر حسني، وذلك بعدما نشر الأخير صورة تجمعهم بمناسبة بالعام الجديد.

وكتبت بسمة بوسيل عبر خاصية استوري على حسابها الرسمي بموقع تبادل الصور والفيديوهات القصيرة إنستجرام في تعليق رصده تحيا مصر:  أنا صحيت على أخبار مش صحيحة.. احنا مرجعناش لبعض، هو نزل صورة عائلية عشان يفرح الأولاد عشان مش هيقدر يحضر معاهم رأس السنة.. آسفين على سوء الفهم.

أخر أعمال بسمة بوسيل

ومن الجدير بالذكر أن أخر أعمال بسمة بوسيل غناء تتر النهاية لمسلسل نعمة الافوكاتو والذي يشارك في بطولته كلا من: مي عمر، أحمد زاهر، أروى جودة، كمال أبو رية، وغيرهم، والمسلسل من تأليف وإخراج محمد سامي.