عاجل
الخميس 30 مايو 2024 الموافق 22 ذو القعدة 1445
رئيس التحرير
عمرو الديب

سمية الخشاب توجه رسالة صادمة لطليقها أحمد سعد وأيتن عامر ترد على اتهامات تقليدها لها

أيتن عامر
أيتن عامر

وجهت الفنانة سمية الخشاب رسالة لطليقها الفنان أحمد سعد خلال حلولها ضيفة على برنامج رامز جاب من الآخر للفنان رامز جلال.

رسالة سمية الخشاب لطليقها أحمد سعد 

وقالت سمية الخشاب عندما رأت صورة أحمد سعد في تصريحات يرصدها تحيا مصر: ربنا يسهله ويوفقه ومفيش أي عشرة.

أيتن عامر وسمية الخشاب 

أيتن عامر تنفي تقليدها للفنانة سمية الخشاب

فيما ردت أيتن عامر على اتهامات تقليدها للفنانة سمية الخشاب قائلة: أنا مقلدتش سمية الخشاب ومشوفتهاش خالص وهي لابسة الفستان اللي عليه المشكلة.. هو أصلا مش صح اني فنانة تلبس فستان لبسته فنانة قبلها وأنا لبست الفستان وانا معرفش إنها لبسته.

سمية الخشاب 

من جانبه، شاركت أيتن عامر في مسلسل الناقور بطولة محمد رياض، محسن منصور، طارق عبد العزيز، محمد عز، لبنى ونس، أحمد فؤاد سليم، أحمد عبد الله محمود، صبري عبد المنعم، هبة عبد العزيز، دارين حداد، ناصر سيف، وغيرهم من نجوم الفن.

وتدور أحداث العمل حول السحر والشعوذة في إطار تشويقي مليء بالأحداث الهامة، وهو  من تأليف طارق بكرات، إخراج عادل الأعصر، وإنتاج سمير عبد الباسط، ومن المقرر أن تدور احداثه في 30 حلقة.

وقالت أيتن عامر في فيديو عبر حسابه الرسمي بموقع تبادل الصور  والفيديوهات انستجرام: مش معنى أننا بنعمل دعاية لشغلنا أننا كدة ناسين القضية الأساسية اللي كلنا بنتكلم عنها، وانا بقالي شهر ونص بتكلم وعن الكوارث اللي بتحصل هناك  والاكونت بتاعي كان هيتقفل بسبب الحاجات اللي بنشيرها طول الوقت.

وتابعت: زي ماحنا مؤمنين بالقضية بيصعب عليا أوي لما أشوف حد مننا بيعلن عن شعله والناس بتهاجمه وتقوله انت مش حاسس بالناس وانت معندكش دم والكلام ده كلنا متأثرين بس ردود أفعالكم غريبة شوية ده شغلنا ودي طبيعته والاعلان عن شغلنا جزء من عقودنا فليه تهاجمونا أننا بنعلن عن شغلنا وبنمارسه.

وأضافت، انا مش شايفة أن ده سبب منطقي ابدا احنا ممكن تهاجم حد مبيدعمش القضية خالص ومبيتكلمش عنها.. مينفعش أقول لحد ما تروحش شغلك ومتعلمش وجباتك ومتلتزمش بعقودك بس أقدر اقوله انت ليه متلكمش واعتقد الكلام عن القضية دي حرية شخصية اللي عايز يتكلم يتكلم واللي مش عايز ميتكملش ومش معنى أننا بنعلن عن شغلنا أننا بنشغل الرأي العام عنها.

واختتمت أيتن عامر حديثها، قائلة ليه واخدين موقف كدة من الفنانين ارجوكم استوعبوا أن الإعلان عن شغلنا على صفحتنا دي حاجة احنا ملزمين بيها واحنا حابين أن شغلنا يكمل ومش حابين أن شغلنا يتأثر لأن في الاخر محدش هينفع حد ومفيش حد بيحس بحد فمن فضلكم كفايا هجوم ومحدش يزايد على حد محدش عارف احنا كل يوم بنمر بإيه واحساسنا بيبقى اي تجاه اللي حاصل احنا قلبنا موجوع وبندعلهم وبندعمهم بكل اللي في أيدينا، ولو بطلت شغلي الناس هترفع عليا قواضي وهتحبس ومن حقي افرح بشغلي وازعل عن القضية.

تابع موقع تحيا مصر علي