صبري فواز: انا فنان على باب الله وقدمت شخصيتي في الاختيار 3 بمنتهى الصدق

حل الفنان صبري فواز ضيف على برنامج حبر سري والذي تقدمه الإعلامية أسما ابراهيم على شاشة قنوات القاهرة والناس، والتي تحدث خلاله عن العديد من الأسرار والاراء الخاصة بيه داخل وخارج الفن، وفي ذلك الإطار نرصد أبرزها.

صبري فواز: انا فنان على باب الله وبحب وصفي بالمشخصاتي

وصف صبري فواز نفسه في تصريحات رصدها موقع تحيا مصر قائلا: انا مواطن مصري على باب الله بيعمل خير على قد ما يقدر، وفنان مصري وبحب وصفي باسم المشخصياتي كدا هو الأقرب لقلبي لأني بصنع شخصيات كتير جدا وبحب اعمل ده، فأيوة طبعا بحب لقب مشخصاتي.

وتطرق صبري فواز بحديثه عن تعاونه مع المخرج سامح عبد العزيز، حيث قال: بشتغل مع سامح عبد العزيز براحتي جدا وبينا تواصل كبير لدرجة اني بيقولي الملحوظة وبنفذها واحنا على الهواء وده عشان يحصل لازم يكون فيه بين الفنان والمخرج ترابط كبير.

صبري فواز: الدور بينتهي مع انتهاء التصوير ومعنديش خلافات مع خالد يوسف

وكشف تفاصيل خاصة بحياته الفنية، حيث قال صبري فوزي: الدور عندي بينتهي مع انتهاء التصوير والشخصيات اللي بتكمل مع صاحبها  بيكون هو عنده مشكلة نفسية، ومروحتش لدكتور نفسي خالص ولو حصلي حاجة تتطلب ده هروح.

واستكمل صبري فواز حديثه موضحا سبب عدم عمله مع المخرج خالد يوسف: معنديش خلافات مع خالد يوسف ولو فيه دور مناسب ليا اتشرف بالعمل معاه وهو قال لو فيه حاجة مناسبة هكلم صبري فواز عليه.

صبري فواز: كنت أتمنى أكون مطرب شعبي.. وطول عمري متمرد وبحب أمشي عكس التيار

مسلسل وبينا ميعاد.. خلاف قوي بين صبري فواز وشيرين رضا

صبري فواز يكشف حقيقة سخريته من حضور الفنانين حفل ليالي سعودية مصرية

وكشف صبري فواز حقيقة سخريه من حضور الفنانين حفل ليالي سعودية مصرية حيث قال: مبسوط بالعلاقة اللي بين مصر والسعودية واتمنى تستمر ويبقى فيها تطور، واللي عايز يعمل فنون لازم هيجي ياخد من مصر لأنها هي المصدر الأساسي للموهبة، ومبسوط أن فيه ناس كتير مكنتش بتروح الأوبرا وراحت وكتر خير الدنيا والسبب في ده.

وأكد في نهاية الفقرة الأولى من برنامج حبر سري: متعرضتش لأي تهديدات في تقديم شخصيتي في مسلسل الاختيار 3 احنا قدمناها بمنتهى الصدق.