رضا البحراوي: بحب العزوة وعندي 8 عيال وعمري ما أصاحب ابن كاري قاطعين الأرزاق كتير

حل المطرب الشعبي رضا البحراوي ضيف على برنامج كلام الناس الذي تقدمه الإعلامية ياسمين عز على قناة mbc مصر، وذلك للحديث عن الأزمة المرضية التي مر بها في الفترة الأخيرة وعدد أولاده وغيرها من التصريحات الهامة.

رضا البحراوي عن أزمته المرضي: جالي برد وسخونية 

وقال رضا البحراوي في تصريحات رصدها موقع تحيا مصر: كان ضغط الشغل وجالي برد وسوخنية الحمدلله ومبعتذرش عن الافراح أما بكون تعبان بس بيبقى صعب شوية لو دخلت المستشفى أو كدة لكن ممكن اجي على نفسي وانزل فرح عشان مزعلش العريس والعروس.

رضا البحراوي: عندي 8 عيال وبحب العزوة والأسرة 

وحرص رضا البحراوي على توضيح عدد أولاده الحقيقي، قائلا: عندي ٨ عيال وبحب العزوة والأسرة وبحب عيلتي والمهنة بتاعتي مش دائمة اللي هينفعني في الدنيا هما عيلتي وأمي وأبويا هما سندي في الحياة.

وأكد رضا البحراوي: أنا من غير أمي وأبويا ولا حاجة، والناس بتقول رضا البحراوي ثم رضا الأب والأم.

كما تحدث عن أمنيته في استكمال طريقه ونجاحته بمفرده: عايز أرجع تاني أعمل أغاني ليا تتسمع والنجاح في المهنة دي وبقى سهل بس مبيدومش وانا عايز أنجح كرضا البحراوي مش حد تاني ودائما بقول انجح لوحدك غني لوحدك قاطعين الرزق كتير اوي، وانا عمري ما أصاحب ابن كاري كلهم نفوسهم مش حلوة.

رضا البحراوي يتحدث عن بدايته الفنية 

وتحدث رضا البحراوي عن بدايته الفنية، قائلا: كنت بسيط زي اي حد بشتغل عشان أمي وأبويا وهي جت من عند ربنا أنا مكنتش حاسس بالنجاح قبل الغناء بس مكنتش بسبب حنة الا أما أروح وأغني، أنا شقيت وتعتب في المهنة جامد، عملت أول شريط وأنا عندي 11 سنة وغنيت فيه من أصعب الأغاني.

تترات مسلسلات رمضان 2024| رضا البحراوي يغني تتر مسلسل محارب

بعد أزمته مع الليثي.. ما سبب خلافات رضا البحراوي مع المطربين

رضا البحراوي في مسلسل محارب 

جدير بالذكر، أن رضا البحراوي كانت أخر أعماله غنائه تتر مسلسل محارب والذي خاض بطولته الفنان حسن الرداد وشارك في بطولته أيضا كلا من النجوم ناهد السباعي، تامر عبد المنعم، منه فضالي، نور محمود، عابد عناني، سماء إبراهيم،يوسف عثمان، كريم العمري ويأتي من إخراج شيرين عادل وتأليف محمد سيد بشير، وتم عرض المسلسل ضمن سباق مسلسلات رمضان 2024 ولم يحقق النجاح المطلوب.