فريدة سيف النصر: خايفة من لبسي وأنا صغيرة وياريت تبطلوا التعري.. الجميل مش محتاج يعمل كدة

حرصت الفنانة فريدة سيف النصر على توجيه نصيحة لجمهورها ومتابعيها عبر حسابها الرسمي بموقع التواصل الاجتماعي فيسبوك وذلك بشأن ملابسهم والتي من الممكن أن تحرمهم من دخول الجنة.

فريدة سيف النصر توجه نصيحة للجمهور

وكتبت فريدة سيف النصر منشور عبر حسابه الرسمي بموقع التواصل الاجتماعي فيسبوك ورصده موقع تحيا مصر: لازم اقول ماقدرش أقرأ حاجة بشرحها وتفسيرها وتنفعكم يوم الحقيقه الوحيد وماقولهاش.. ٱيه بتقول... الا تجوع فيها ولا تعري. المعني الجنه مابنتعراش فيها مستورين.

وتابعت فريدة سيف النصر: يبقي لازم نتستر تحت في الأرض علشان نطلع فوق بنفس الهيئه..أنا خايفه من اللبس اللي لبسته وانا صغيره..لكن لقيت الرحمه والتفسير في ٱية..هل يستوي اللذين يعلمون واللذين لا يعلمون.. لأه الحمد لله يعني اللي يعمل سوء بجهاله يغفر له لو تراجع..لكن لو عارف عقابه ومش فارق عنده ده رايح في ستين مصيبه غلبان، أنا عايزه لما اروح لا اجوع ولا اتعري ولا أعجز ايه الجمال ده.

فريدة سيف النصر للجمهور: لحمنا ولحمكم غالي 

واختتمت فريدة سيف النصر حديثها، قائلة: حبايبي ماتستنوش تبقوا كبار اسرعوا ماحدش عارف ساعته أمتي..فاكرين اخر حاجه اربع منتجين وناس كتير..نتعظ ونخاف علي نفسنا الحياه لو ١٠٠سنه بنمشي برضه..خللينا نعمل حساب هناك اكتر...لحمكم ده لحمنا وغالي علينا.. والجميل مش محتاج يعمل كده انتم حلوين حتي لو بورتريه فقط.. بحبكم ويعلم الله... طيب ياريت ماتزعلوش بس هيئة أهل الجنه احلي.. مااحنا هانروح فين.. فكروا.

فريدة سيف النصر تدافع عن محمد رمضان بعد أزمة نجله: عياله متربية احسن تربية

فريدة سيف النصر تدعم مها أحمد: مها حراقة وتعباكم.. وبعض المذيعات جاطينها في دماغهم

فريدة سيف النصر وعلاقتها بالشيخ صلاح التيجاني 

وكان قد ارتبط اسم فريدة سيف النصر بالشيخ صلاح التيجاني والذي أثار أزمة كبيرة على مواقع التواصل الاجتماعي المختلفة في الفترة الماضية ولكن خرجت "سيف النصر" للرد على تلك الأقاويل، قائلة:كالعادة أي حدث لازم اتصالات فوق العادة.. والإجابة عندي قاطعة.. بالنسبه للدكتور التجاني لا ماعرفهوش ولا قابلته ولا كلمته يعني حتى صوته ماعرفهوش.. الراجل في كل الصفحات بأدب جم يعيد يهنئ يبارك.. وأنا كعادتي أرد على كل الناس مع العلم أني لا اتحرك من مكاني الا للعمل فقط.. وارد مثلا عالصفحة عندي الداعية معتز والشيخ علي جمعة وبرد التحية أو نصلي عالنبي أو صدقة جارية قراءة قرآن وترديد أدعية.

واختتمت فريدة سيف النصر حديثها: اذا كان هذا الرجل يقوم بحلقات ذكر فااعتقد أن المفروض اللي يتواجدوا رجال فقط، اذا لماذا ذهبت المتحرش بها الي مجالس الرجال أو اي ست محترمه ليه روحتي رقوه كذب امك ترقيكي.